Qazaqstan Parlamenti BAQ, ádebıet jáne oıyn-saýyq sharalarynda LGBT-ny nasıhattaýǵa tyıym salatyn zańnamalyq túzetýlerdi qabyldady, dep habarlaıdy Egemen.kz.
Jańa zańnama aıasynda LGBT nasıhaty quqyqqa qaıshy kontent retinde jikteldi. Mádenıet jáne aqparat vıse-mınıstri Evgenıı Kochetov Senat kýlýarynda bul tyıymdy buzǵandarǵa qandaı shara qoldanylatynyn túsindirip berdi.
Aıyppuldar men jaza túrleri:
Birinshi ret buzǵandarǵa: 20 AEK (aılyq eseptik kórsetkish) kóleminde aıyppul salynady. Bir jyl ishinde qaıtalansa (resıdıv): Aıyppul kólemi artady nemese quqyq buzýshy 10 táýlikke deıin ákimshilik qamaýǵa alynady.«Tıisti sharalar tek resmı aryz túsken jaǵdaıda ǵana qabyldanady. Mysaly, azamattar e-Otinish portaly arqyly shaǵym túsire alady, sodan keıin ǵana mazmundy baǵalaý prosedýrasy bastalady», dedi Evgenıı Kochetov.
LGBT-ny nasıhattaýǵa tyıym salýǵa qatysty zańǵa túzetýler engiziledi
Eske sala keteıik, tyıym tek LGBT-ǵa ǵana emes, sonymen qatar pedofılııa men dástúrli emes jynystyq qatynastardy dáripteıtin kez kelgen materıaldarǵa (BAQ, kitaptar, is-sharalar) qatysty.