Sıdneıdegi Bondı-Bach saýda ortalyǵynda bolǵan lańkestik áreket kezinde batyldyq tanytyp, qarýly qylmyskerdiń qolynan myltyqty tartyp alǵan Ál-Ahmedke 2 533 585 dollar tabystaldy. Bul qarajat búkil álem boıynsha myńdaǵan adamnyń qoldaýymen GoFundMe qory arqyly jınaldy, dep habarlaıdy Egemen.kz.
Oqıǵa 14 jeltoqsan kúni Sıdneıdegi adamdar kóp jınalǵan jaǵajaı mańynda boldy. Hanýka merekesin toılaý kezinde eki lańkes beıbit turǵyndarǵa oq jaýdyrǵan Osy syn saǵatta 43 jastaǵy sırııalyq ımmıgrant Ál-Ahmed óz ómirin qaterge tigip, qarýly lańkesterdiń biriniń qolyndaǵy qarýyn tartyp alǵan. Osy teketires kezinde onyń ıyǵy men denesine oq tıip, aýyr jaraqat alǵan.
Izraıl Prezıdenti Ishak Gersog bul oqıǵany evreı qaýymyna qarsy shabýyl dep ataǵan.
Osy oqıǵadan keıin amerıkalyq tanymal bloger Zakerı Derenevskı (mdmotivator) Car Hub Australia uıymymen birigip, batyrǵa qoldaý kórsetý maqsatynda GoFundMe qory arqyly qarajat jınaý naýqanyn bastady. Qysqa ýaqyt ishinde 43 000-nan astam adam óz úlesterin qosqan. Arasynda amerıkalyq mıllıarder Bıll Akman sııaqty iri donorlar da boldy.
Shabýyl jasaǵandardyń biri Sıdneı turǵyny Navıd Akram bolyp shyqty, onyń úıinde tintý júrgizilgen. Avstralııalyq BAQ-tyń jazýynsha, úshinshi kúdikti óz erkimen berilgen.
19 jeltoqsan kúni Ál-Ahmedke jınalǵan barlyq soma – 2 533 585 dollar kólemindegi chek saltanatty túrde tabystaldy. Qazirgi ýaqytta oǵan birneshe ota jasalyp, ońaltý kezeńinen ótip jatyr.