2026 jyldyń 1 qańtarynan bastap elimizde býkmekerlik keńselerge, totalızatorlarǵa, uıaly baılanys operatorlaryna qoıylatyn talap qatańdaıdy. Erejeni buzǵandarǵa iri kólemde aıyppul salynady, dep jazady .Egemen.kz
Bul ózgerister «Ákimshilik quqyqbuzýshylyq týraly kodekske tolyqtyrýlar engizý týraly» zańda qarastyrylǵan. Qujatqa 30 jeltoqsanda Prezıdent Qasym-Jomart Toqaev qol qoıdy.
Endi býkmekerlik keńseler men totalızatorlar utys tóleý operasııalaryn biryńǵaı esepke alý júıesinde tolyq kórsetýge mindetti. Apparattyq-baǵdarlamalyq júıeler de osy júıemen biriktirilýi tıis. Bul talap oryndalmasa, orta bızneske 300 AEK, al iri kompanııalarǵa 1 000 AEK-ke deıin aıyppul salynady. Keı jaǵdaıda lısenzııa ýaqytsha toqtatylýy múmkin.
Uıaly baılanys operatorlaryna da jaýapkershilik kúsheıtildi. Eger olar halyqtyń telefondaryna qumar oıyndardy jarnamalaıtyn SMS-habarlamalar taratsa, aıyppul tóleıdi. Aıyppul kólemi operatordyń bıznes sanatyna baılanysty belgilenedi.
Atap aıtqanda, shaǵyn operatorlarǵa – 50 AEK, orta bızneske – 100 AEK, al iri operatorlarǵa 500 AEK aıyppul qarastyrylǵan.