Atyraý oblysyndaǵy Jangeldın aýylynyń turǵyndaryn óltirý deregimen 29 jastaǵy kúdiktige izdeý jarııalandy, dep habarlaıdy Egemen.kz.
Oblystyq polısııa departamenti baspasóz qyzmetiniń deregine qaraǵanda, atalǵan qylmysqa kúdikti – Mahambet aýdanynyń 29 jastaǵy turǵyny.
«Qylmysqa ózge de tulǵalardyń qatysynyń bar-joǵy tekserilip jatyr. Áleýmettik jeli qoldanýshylaryn aqparatty tek resmı derekkózden alýǵa, jalǵan ne rastalmaǵan málimetterdi taratýdan bas tartýǵa shaqyramyz», dep málim etti departamenttiń baspasóz qyzmeti.
Kúdiktiniń qaıda júrgeni ázirge belgisiz bolyp otyr. Sondaı-aq, Qyzylqoǵa aýdanyndaǵy Jangeldın aýylynda turǵan erli-zaıyptynyń qyzy men uly áli tabylǵan joq.
Atyraý oblysynda bir otbasy jumbaq jaǵdaıda joǵalyp ketti
Eske salaıyq, búgin iz-túzsiz joǵalyp ketken atyraýlyq erli-zaıypty jer qoınyna tapsyryldy.