Qaraǵandylyq polıseıler balalarǵa arnalǵan mekeme tárbıelenýshilerinen aqsha bopsalaýmen aınalysqan qylmystyq toptyń jolyn kesti, dep habarlaıdy Egemen.kz.
Aldyn ala málimet boıynsha, kúdiktiler sońǵy alty aıda aldaý, qorqytý jáne kúsh qoldaný arqyly áleýmettik osal sanattaǵy birneshe jábirlenýshiden 10 mıllıon teńgeden astam qarajatty ıemdengen. Olardy arnaıy shottardan aqsha sheshýge, sondaı-aq mıkroqarjy uıymdarynda nesıe rásimdeýge májbúrlegen. Bul týraly oblystyq polısııa departamentiniń baspasóz qyzmeti málimdedi.
Jurtty qorqytyp, aqsha bopsalaǵan
Jedel is-sharalar barysynda óńirdegi balalarǵa arnalǵan mekemelerdiń biriniń tárbıelenýshileri qylmyskerlerdiń qurbany bolǵany anyqtaldy. Júrgizilgen jedel-izdestirý is-sharalary nátıjesinde kúdiktilerden avtomatty atys qarýyna arnalǵan oqjatarlar jáne júzden astam oq-dári tárkilendi.
Sheteldikterden aqsha bopsalaǵan qylmystyq top qolǵa tústi
Atalǵan derek boıynsha bopsalaý belgilerimen sotqa deıingi tergep-tekserý bastaldy. Barlyq kúdikti ustaldy. Olarǵa 10 jylǵa deıin bas bostandyǵynan aıyrý jazasy taǵaıyndalýy múmkin. Polısııa olardyń basqa da osyǵan uqsas qylmystarǵa qatystylyǵyn anyqtaý boıynsha jumysty jalǵastyryp jatyr.
8 jastaǵy qyzdy uryp-soqqan: Jambyl oblysynda býllıng pen bopsalaý azaımaı tur