«Qazgıdromet» RMK Almatyda 15-inen 16 qańtarǵa qaraǵan túni jaýatyn qar 17 qańtar keshki ýaqytqa deıin jalǵasatynan habarlap otyr. Osyǵan baılanysty qalanyń kommýnaldyq ınfraqurylymdy damytý basqarmasy men turǵyn úı ınspeksııasy kommýnaldyq qyzmettiń kúsheıtilgen jumys tártibine kóshkenin habarlady, dep jazady Egemen.kz.
Sondaı-aq qalada aýa temperatýrasy -13 gradýsqa deıin tómendeıdi dep boljanyp otyr.
Aldaǵy kúnderi birqatar óńirde 40 gradýsqa deıin aıaz bolady
Jaýapty mekemeler óndiristik bazalarda júrgizýshiler, mehanızatorlar men jol salasy jumysshylarynyń táýlik boıǵy kezekshiligi jáne qar jaýǵanǵa deıin arnaıy tehnıka ornalastyrylatyn aýmaqtarda 210 qum sebetin kólik ázirlengenin málimdedi.
«Sonymen qatar aldyn ala negizgi magıstraldyq kóshelerge suıyq reagentter sebiledi. Táýlik boıy 1 030 birlik arnaıy tehnıka, sondaı-aq jeke uıymdardan tartylatyn 200 tehnıka men 2 710 jol salasy jumysshysy jumyldyrylady. Aýla aýmaqtaryn tazalaýǵa 1 790 jumysshy men 256 birlik arnaıy tehnıka tartylady. Joldyń qaýipti ýchaskelerinde, eńis pen jotalarda, sondaı-aq jolaıyryqtarǵa kirip-shyǵatyn joldarǵa kóktaıǵaqtyń aldyn alý jáne ony ýaqtyly joıý úshin 75 jedel brıgada jol jamylǵysynyń jaǵdaıyn úzdiksiz baqylaıdy», delingen habarlamada.
Almatyda qalyń qar jaýatynyn buǵan deıin habarlaǵanbyz.