GRU Space Aıda alǵashqy qonaqúıler salýdy josparlap otyrǵanyn málimdedi. San-Fransıskoda ornalasqan startap 2032 jyldan bastap Aıǵa týrısterdi jibere bastaýǵa nıetti, dep jazady Egemen.kz.
Kompanııa bul bastamasyn sońǵy jyldary ǵaryshqa júk shyǵarý qunynyń aıtarlyqtaı arzandaýymen baılanystyrady. Buǵan, eń aldymen, SpaceX qyzmetiniń yqpaly zor. Aldaǵy ýaqytta naryqtaǵy báseke kúsheıip, onyń ishinde Blue Origin jáne ózge elderdegi qaıta paıdalanylatyn zymyran jobalarynyń esebinen ǵaryshqa ushý odan ári arzandaıdy dep kútiledi.
Ǵaryshqa týrıst retinde ushqan Danna Qaraǵusova alǵan áserin bólisti
GRU Space ókilderiniń aıtýynsha, ǵarysh qazirdiń ózinde baı adamdar úshin týrıstik baǵytqa aınalyp keledi. Alǵashqy kezeńde qonaqúıler týrıstermen birge Aı betine jetkiziledi. Olar eki-tórt adamǵa arnalǵan úrlemeli modýlder bolady. Eger jylyna úsh reıs oryndalsa, bir týrıst úshin sapar quny shamamen 416 myń dollardy quraıdy.
Keıinirek kompanııa neǵurlym kúrdeli qurylymdar salýdy josparlap otyr. Bul nysandardy turǵyzý kezinde Jerden jetkiziletin materıaldarmen qatar Aıdyń óz betindegi resýrstar da paıdalanylmaq. San-Fransıskodaǵy Beıneleý óneri saraıynyń sáýletinen shabyt alǵan mundaı qonaqúıler 10 qonaqty qabyldaı alady. Bul jaǵdaıda joldama baǵasy 83 myń dollarǵa deıin tómendeýi múmkin.
Aı betindegi eskertkish
Tehnologııalardy synaqtan ótkizýge arnalǵan daıyndyq ushýlary 2029 jáne 2031 jyldarǵa josparlanǵan. Kompanııa osy synaqtar sátti ótken jaǵdaıda Aı týrızmi jańa ındýstrııaǵa aınalady dep úmittenedi.