Jetisý oblysy Jarkent qalasynda áıel óz balasyn baılap qoıyp, qatygezdikpen urǵan. Áleýmettik jelide taralǵan vıdeo negizinde Panfılov aýdandyq polısııasy jedel túrde tekserý júrgizip, qatygez anany tergeý ızolıatoryna qamady, dep habarlaıdy Egemen.kz.
«28 jastaǵy áıeldiń kámeletke tolmaǵan balasyn uryp, dene jaraqatyn salǵanyn anyqtadyq. Atalǵan fakti boıynsha qylmystyq is qozǵaldy», delingen polısııa taratqan habarlamada.
Otbasyndaǵy eki búldirshin «Meıirim» qamqorlyq ortalyǵyna jiberildi. Balalar ázirge osy ortalyqta bolady.
Quzyrly organdarǵa áıeldi ata-ana quqyǵynan aıyrý týraly usynys joldanǵan. Tergeý barysy oblystyq polısııa departamenti basshylyǵynyń jeke baqylaýynda.
Túrkistan oblysynda ákesin aıaýsyz urǵan azamatqa sot úkimi shyqty