Kezdesý elordadaǵy «Astana Arena» stadıonynda ótti. Bul – 2026 jylǵy Chempıondar lıgasy men eýrokýboktar aıasyndaǵy alǵashqy match, dep habarlaıdy Egemen.kz.
Oıynnyń 32-mınýtynda Aleksandr Stankovıch esep ashty. Birneshe mınýttan keıin Hans Vanaken taǵy bir gol soǵyp, qonaqtardyń basymdyǵyn arttyrdy. Birinshi taımda almatylyqtar qarsylas qaqpasyn buza almady. Ekinshi taım da Qazaqstan komandasy úshin sátsiz ótti. 74-mınýtta Romeo Verman gol soqsa, 84-mınýtta Brendon Mehele esepti irilendirdi.
Degenmen, matchtyń sońynda, 92-mınýtta Ádilet Sadybekov «Qaırattyń» jalǵyz golyn soǵyp, esepti qysqartty.
Match 1:4 esebimen aıaqtaldy.
Qazirgi ýaqytta«Qaırat» bir upaımen týrnır kestesiniń sońynda tur. 29 qańtarda almatylyq komanda Chempıondar lıgasyndaǵy sońǵy oıynyn londondyq «Arsenalǵa» qarsy ótkizedi.