Almatydaǵy Ulttyq akademııalyq kitaphanada bıyl mereıtoılary atalyp ótetin memleket jáne qoǵam qaıratkerleri, sondaı-aq ádebıet pen óner salasynda óshpes iz qaldyrǵan 16 kórnekti tulǵanyń ómiri men shyǵarmashylyq jolyna arnalǵan aýqymdy kórme óz jumysyn bastady, dep jazady Egemen.kz.
Kórmede qazaq halqynyń rýhanııaty men mádenıetine ólsheýsiz úles qosqan alyp tulǵalar – jyr alyby Jambyl Jabaev, Alash qozǵalysynyń kósemi Álıhan Bókeıhanov, kórnekti kompozıtor ári ǵalym Ahmet Jubanov, sóz zergeri Saıyn Muratbekov jáne basqa da birtýar azamattardyń mol murasy keńinen tanystyrylǵan.
Atalǵan kórme – el tarıhynda aıryqsha orny bar, ulttyń rýhanı bolmysy men mádenı kelbetin qalyptastyrýǵa eńbek sińirgen birtýar azamattarǵa degen taǵzymnyń jarqyn kórinisi. Ekspozısııa aıasynda 350-den astam sırek kitaptar, ǵylymı eńbekter, ómirbaıandyq basylymdar men merzimdi baspasóz materıaldary, sondaı-aq 200-ge jýyq elektrondy derekkózder kópshilik nazaryna usynylǵan. Kitaphana oqyrmandary men qonaqtary mereıtoı ıeleriniń ómir joly, qoǵamdyq qyzmeti, shyǵarmashylyq izdenisteri men el tarıhyndaǵy orny týraly jan-jaqty maǵlumat ala alady.
Oqı otyryńyz: Almatyda 2025 jyly jaryq kórgen kitaptardyń kórmesi ashyldy
Mádenıet pen óner qaıratkerlerine arnalǵan arnaıy bólim kórmeniń mazmunyn odan ári baıyta túsken. Munda teatr, kıno jáne mýzyka salasyndaǵy tarıhı kezeńder, shyǵarmashylyq izdenister men ulttyq ónerdiń qalyptasý joldary kórneki materıaldar arqyly beınelengen. Bul bólim kórermenge ótken men búgindi sabaqtastyra otyryp, qazaq óneriniń damý evolıýsııasyn tereń sezinýge jol ashady.
Oqı otyryńyz: Arheologııalyq kórme ashyldy
Kórme tek tanymdyq sıpatpen shektelmeı, óskeleń urpaqty otansúıgishtikke, ulttyq qundylyqtardy qurmetteýge tárbıeleýdi maqsat etedi. Jyl boıy jalǵasatyn aıtýly rýhanı is-shara Ulttyq kitaphanaǵa kelýshi oqyrmandar úshin tarıh pen mádenıetke boılaıtyn taǵylymdy alańǵa aınalmaq.