Italııa ǵalymdary jańa býyndaǵy aqyldy mıkrochıpti tanystyrdy. Bul tehnologııa esepteý júıeleriniń energııa tutynýyn buryn-sońdy bolmaǵan deńgeıde azaıtýy múmkin.
Aqyldy chıp esepteý júıeleriniń energııa tutynýyn 5000 ese azaıtýǵa múmkindik beredi. Sonymen qatar esepteý jyldamdyǵy da aıtarlyqtaı artady. Jańa mıkroshemanyń basty ereksheligi – kompıýter arhıtektýrasyna múlde jańa kózqaras usynýynda. Dástúrli sıfrlyq esepteýlerdiń ornyna chıp analogtik esepteýlerin tikeleı jad ishinde júzege asyrady. Bul derekterdi prosessor men jad arasynda úzdiksiz tasymaldaý qajettiligin joıady, al dál osy úderis qazirgi data-ortalyqtardaǵy eń úlken energııa shyǵynynyń kózi bolyp otyr.