Mádenı qundylyqty saqtaý jaıy baıyptaldy

Is-sharada Premer-mı­nıstrdiń orynbasary – Máde­nıet jáne aqparat mınıstri Aıda Balaevanyń quttyqtaý sózin Mádenıet jáne aqparat vıse-mı­nıstri Evgenıı Kochetov jetkizdi.

«Memleket basshysy Ult­tyq quryltaıda óner men má­denıet – memlekettiń strate­gııa­lyq baǵdary ekenin aıtyp, ıdeologııalyq rýhanı qun­dy­lyqtardyń mańyzyn atap ótti. Jańa tehnologııalar, sıfr­lyq orta jáne jasandy ın­tel­lekt memleketterdiń, ekono­mı­kalardyń jáne qoǵamnyń damý baǵytyn barǵan saıyn aı­qyn­dap keledi. Bul rette teh­nologııa­lyq serpilis jaǵdaıynda óz má­denı kodymyzdy joǵaltpaý jáne tól bolmysymyzdy saqtaý – asa mańyzdy mindet», delingen qut­tyq­taý hatta.

Semınar barysynda tarıh ǵylymdarynyń doktory Jambyl Artyqbaev, sýretshi, dızaıner, «Qazaq oıýlary» kitabynyń avtory Erlan Qojabaev, dızaıner Farıda Merhamıtqyzy sóz sóıledi.

Sarapshylar keıingi ýaqytta qazaq tanymynda joq, ulttyq bolmystan alshaq dúnıelerdiń «dástúr» dep nasıhattalyp júr­genin sóz etti. Ulttyq oıý-órnek­terdi de ornymen paıdalaný qajettigi, tipti áıelderge tán mo­tıv­ter erler kıiminde jıi qolda­ny­latyny da talqylandy. Sony­men qatar qazaq mádenıetine jat elementterdiń ulttyq mura re­tin­de nasıhattalýy da sóz boldy.

Budan bólek, áleýmettik jeli­lerde keńinen taralyp, biraq qazaq mádenıetinde tarıhı ne­gizi joq «jańa dástúr­ler» qa­ras­tyryldy. Mundaı jaǵ­daılar qalyp­tasqan qundy­lyq­tar men máde­nı normalar­dy buzyp, túpki­likti salt-dás­túr­ler­diń má­nin burmalaıtyny aıtyl­dy. Is-sha­ra barysynda dástúr­lerdi kom­mersııalaý máse­lesi de kóterildi.