* Úndistan tıisinshe ekinshi jáne úshinshi orynǵa syrǵyǵan Brazılııa men Túrkııany basyp ozyp, saıahat úshin eń qaýipti el retinde tanyldy. Úndi eli birinshi orynǵa áıel týrıster men jergilikti áıel turǵyndardy zorlaý boıynsha shyǵyp otyr. Mysaly, elde ár 20 mınýt saıyn bir zorlaý oqıǵasy tirkeledi eken.
* Aýǵanstanda betperde kıgen qarýly adamdar 30 er adam – shııtterdi urlap ketken. «Frans-Press» agenttiginiń habarlaýynsha, aýǵan armııasynyń formasyn kıgen top Gerattan Kabýlǵa kele jatqan eki avtobýsty toqtatsa, júrgizýshiler adam urlaýshylardy úkimet áskerleriniń soldattarymen shatastyrsa kerek.
* AQSh-tyń federaldyq soty Palestınadan Izraıldegi lańkestikter úshin 650 mıllıon dollar ótemaqy talap etti. Muny «Nıý-Iork Taıms» gazeti habarlady. Sot ókilderiniń sózderine qaraǵanda, palestınalyqtar uıymdastyrǵan 6 lańkestik saldarynan AQSh azamattary da kóz jumǵan nemese zardap shekken.
*Japonııadaǵy býddıstik «Nıvano beıbitshilik qory» «Boko-Haram» terrorlyq uıymyna qarsylyq bildirýshi nıgerııalyq áıel-pastor Ester Ibangony beıbitshilik syılyǵymen marapattady. Ol áıelder men qyzdardy urlaýdy dástúrge aınaldyrǵan «Boko-Haramdy» ashyq syn tezine alyp kele jatsa kerek.
*Reseıdiń Memlekettik Dýmasy el prezıdenti Vladımır Pýtınge depýtattardyń eńbekaqysyn qysqartý týraly usynys bildirgen. Muny Memdýma spıkeri Sergeı Naryshkınniń málimdemesine silteme jasaı otyryp, TASS habarlady. Mundaı usynys Dýma Keńesiniń májilisi barysynda 2015 jylǵa arnalǵan federaldyq bıýdjetke túzetýler engizilýine baılanysty jasalǵan.
* Kıpr prezıdenti Nıkos Anastasıadıs Reseıge qarsy sanksııalardyń engizilýin synǵa aldy. Onyń pikirinshe, sanksııalar bastamashylar umtylǵan nátıjelerge qol jetkizbegen. N.Anastasıadıs Kıprdiń Reseımen tyǵyz baılanysta ekenin de qaperge salady. Bizdiń ekonomıkamyz ben qorǵanysymyz osy qatynastarǵa tikeleı baılanysty, deıdi ol.
* Iordan ózeniniń batys jaǵalaýynda Izraıl áskerıleri 19 jasar palestınalyqty atyp óltirgen. «Frans-Press» agenttiginiń habarlaýynsha, oqıǵa Vıfleemge jaqyn mańdaǵy Dheıshe bosqyndar lagerindegi tártipsizdikter kezinde oryn alǵan. Palestınalyqtar soldattarǵa tastar men órtegish qurylǵylar laqtyrsa kerek.
Aqparat agenttikteriniń materıaldary boıynsha ázirlendi.