Qostanaı oblystyq aýrýhanasynyń perınataldyq ortalyǵynda úshem dúnıege keldi. Súıinshi habardy jetkizgen dárigerlerdiń aıtýynsha, bul – óńirde sońǵy 3 jyl ishinde týǵan alǵashqy úshem, dep habarlaıdy Egemen.kz.
Úshemderdiń úsheýi de – qyz bala. Al nárestelerdiń anasy – 31 jasta. Qostanaı aýdanynda turatyn Sharapıevter otbasy úsh ul tárbıelep otyrǵan. Endi, mine ósip kele jatqan úsh uldan keıin úsh qyz bala ómirge kelip, shańyraqtary shattyqqa kenelip jatyr.
Shymkentte úshem dúnıege keldi
Jańa týǵan nárestelerdiń salmaǵy – 2300 – 2600 gramm bolady. Boılary – 49 sm. Oblystyq aýrýhana dárigerleri úshemniń anasynyń densaýlyǵy jaqsy, balalardyń jaǵdaıy qanaǵattanarlyq deıdi.
Buǵan deıin Aqtóbe, Qyzylorda oblystarynda úshem dúnıege kelgenin habarlaǵanbyz.
Qostanaı oblysy