О́skemendik sheber Iýrıı Kostanıan aǵashtan qazaq handary men batyrlarynyń músinin jasaıdy. Ol bul ispen 70-ten asqan shaǵynda da turaqty aınalysyp júr. Sheberdiń aıtýynsha, aǵash músin qashaý toqtaýsyz eńbek pen tózimdi talap etedi.
Iýrıı Kostanıannyń murajaı-úıi aǵash músinge toly. Munda 400-den asa eksponat bar. Týyndylarynyń basym bóligi qazaq tarıhyna arnalǵan. Sheberdiń eńbekteri shetelge de shyqqan. Ol 12 jyl buryn Parıjde kórme ótkizip, ónersúıer qaýymdy tańǵaldyrǵan. Qazir onyń keı músinderin arnaıy izdep kelip, satyp alatyndar kóbeıgen. Batyrlarmen qatar, Kenesary, Abylaı, Haqnazar handardyń aǵashtan oıylǵan beıneleri de nazar aýdararlyq. Sheber Shyńǵys han jáne onyń urpaqtaryna qatysty da týyndylar jasaǵan.