Qazaqstanda aqpan aıynyń alǵashqy kúni aımaqtar arasyndaǵy klımattyq aıyrmashylyqty aıqyn kórsetedi. Eldiń soltústigi men ortalyǵynda qys óz kúshinde saqtalsa, ońtústik pen batysta aýa raıy birtindep jylyna bastaıdy, dep habarlaıdy Egemen.kz.
Astana, Pavlodar, Kókshetaý, Petropavl jáne Qostanaı qalalarynda jaýyn-shashynsyz, biraq aıazdy aýa raıy saqtalady. Kúndiz aýa temperatýrasy -3…-12 gradýs shamasynda bolady, al túnde aıaz kúsheıip, -15…-23 gradýsqa deıin tómendeıdi. Al Pavlodarda termometr baǵany -23 gradýsqa deıin túsýi múmkin.
Qaraǵandy men Jezqazǵanda aýa raıy kúndiz -5…-7, túnde -13…-15 gradýs shamasynda bolady.
О́skemen men Semeıde jaýyn-shashyn bolmaıdy, alaıda keı ýaqyttarda tuman túsýi múmkin. Kúndiz aýa temperatýrasy -3…-5, túnde -14…-16 gradýsqa deıin tómendeıdi. Tańǵy jáne túngi mezgilde joldaǵy kóriný qashyqtyǵy nasharlaýy yqtımal.
Batys Qazaqstanda aýa raıy qubylmaly bolady. Oral qalasynda qar jaýyp, boran men kóktaıǵaq kútiledi. Kúndiz -2…-4, túnde -6…-8 gradýs bolady. Atyraýda qar aralas jaýyn-shashyn túsýi múmkin, temperatýra 0…-2, túnde -5 gradýsqa deıin tómendeıdi.
Aqtaýda eldegi eń jyly aýa raıy saqtalady: kúndiz +5…+7, túnde 0…+2 gradýs.
Ońtústik aımaqtarda aýa temperatýrasy aıtarlyqtaı kóteriledi. Shymkent pen Túrkistanda termometr baǵany kúndiz +7…+13, túnde +1…+3 gradýs deıin jetip, jańbyr jaýady.
Tarazda túnde qar jaýyp, kúndiz jańbyrǵa ulasýy múmkin. Kúndiz +6…+8, túnde 0…-2 gradýs bolady.
Almaty, Qonaev jáne Taldyqorǵanda jaýyn-shashyn kútilmeıdi. Almatyda túngi jáne tańǵy ýaqytta tuman túsýi múmkin. Kúndiz aýa temperatýrasy +2…+5, túnde -2…-9 gradýs aralyǵynda bolady.