Abaı oblysyndaǵy qaýipsizdik deńgeıi joǵary túzeý mekemesinde sottalǵan azamattyń qaıtys bolǵany týraly aqparat áleýmettik jelilerde tarady. Atalǵan málimetti Qylmystyq-atqarý júıesi komıteti (QAJK) rastady, dep habarlaıdy Egemen.kz.
Komıtettiń habarlaýynsha, oqıǵa túzeý mekemesindegi eki sottalǵan adamnyń arasyndaǵy janjaldan bolǵan. Sottalǵandar bir kamerada otyrǵan. Janjal barysynda olardyń biri ekinshisine dene jaraqatyn salǵan, alǵan jaraqattarynyń saldarynan jábirlenýshi oqıǵa ornynda kóz jumǵan.
Qostanaı oblysyndaǵy túzeý mekemesinde eki kásiporyn ashyldy
Atalǵan fakti boıynsha «Adam óltirý» baby boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy.
Shymkentte sottalǵandardy azaptaǵan túzeý mekemesiniń úsh qyzmetkeri qamaýǵa alyndy
Qazirgi ýaqytta tergeý jáne tekserý jumystary júrgizilip jatyr. Mekemedegi ahýal turaqty. Tergeý barysy Qylmystyq-atqarý júıesi komıteti basshylyǵynyń baqylaýynda.
Memlekettik qupııany jarııa etken túzeý mekemesiniń bastyǵyna sot úkimi shyqty