Nadejda Erkebaeva besinshi balasyn ómirge ákelip, bala kútimi úshin demalys alǵan. Buǵan deıin Janbaı aýylyndaǵy orta mektepte aǵylshyn tilinen dáris bergen. Endi bos ýaqytyn tıimdi paıdalaný maqsatynda enesi Lázzat Tastanovamen birge naýbaıhana ashýǵa bel býypty. О́z qarjysyna satyp alǵan naýbaıhana tehnologııasyn iske qosyp, nan jáne nan ónimderin shyǵara bastady. Qazir onyń basqarýyndaǵy «Jaına» naýbaıhanasynyń ystyq peshinen shyqqan ónimderge suranys artyp keledi.
«Bizdiń naýbaıhanamyzda pisirilgen nan jáne nan ónimderin aýyldaǵy 8 dúken, mektep pen balabaqsha ashanalary tapsyryspen alady. Kórshiles Zıneden aýylynyń turǵyndaryna da óz ónimderimizdi usynamyz. Ár kún saıyn tutynýshyǵa 350-ge jýyq nan bólkeleri jóneltiledi. Osy isimdi keńeıtip, aýyldastaryma qosymsha jumys ornyn ashýdy oılastyryp júrmin», deıdi otbasylyq kásipti dóńgelete bastaǵan demalystaǵy muǵalim Nadejda Erkebaeva.
Joldasbek ShО́PEǴUL,
«Egemen Qazaqstan».
Atyraý oblysy.
sýret: http://strategy2050.kz