Kóp jerde dene qalpyn jaqsy saqtaý úshin kúnine 10 000 qadam júrý kerek degen keńes aıtylady. Biraq bul – san naqty ǵylymı negizi bar talap emes, marketıngtiń mıymyzǵa sińirgeni.
Osy uǵym 1964 jyly Tokıoda ótken Olımpıada qarsańynda paıda bolǵan. Sol kezde japon kompanııalarynyń biri «Manpo-keı» dep atalatyn qadam sanaǵysh qurylǵy shyǵarady. Ataýynyń maǵynasy – «10 000 qadam eseptegishi». Al 10 000 sany ǵylymı dálelge emes, jaı ǵana ádemi, este qalarlyq san bolǵandyqtan tańdalǵan. Keıin osy kórsetkish túrli densaýlyq usynymdaryna enip ketedi de, «kúndik norma» sııaqty qabyldana bastaıdy. Álbette, jaıaý júrý – densaýlyqqa óte paıdaly. Biraq kúnine mindetti túrde 10 000 qadam júrý kerek ekenin dáleldeıtin eshqandaı ǵylymı tájirıbe júrgizilmegen.