Taraz qalasynda qaıǵyly oqıǵa tirkeldi. Kópqabatty turǵyn úıdiń terezesinen eki birdeı jas balany anasy laqtyryp jibergen. Oqıǵa Tóle bı dańǵyly boıyndaǵy jataqhanada bolǵan, dep jazady Egemen.kz.
Aldyn ala málimetke sáıkes, 36 jastaǵy áıel besinshi qabattan áýeli 2021 jyly týǵan qyzyn, keıin 2023 jyly týǵan ulyn tómenge tastaǵan. Balalar aman qalǵanymen, aýyr jaraqat alyp, shuǵyl túrde Jambyl oblystyq kópsalaly balalar aýrýhanasyna jetkizilgen. Qazir olar jansaqtaý bóliminde jatyr.
Balalaryn terezeden laqtyryp jibergen áıel qylmystyq jaýapkershilikten qutyldy
Jarııalanǵan derekterge qaraǵanda, qaıǵyly jaǵdaıǵa deıin áıel men jubaıy arasynda janjal bolǵan. Er adam úıden shyǵyp ketken. Sondaı-aq áıeldiń sońǵy jyldary qatty bas aýrýynan zardap shekkeni aıtylady.
Pavlodar turǵyny balalaryn besinshi qabattan laqtyryp, artynan ózi sekirgen
Osy fakti boıynsha eki kámeletke tolmaǵan balany óltirýge oqtalý deregimen qylmystyq is qozǵaldy. Tergeý amaldary bastalǵanyn Jambyl oblysy polısııa departamenti rastady.
«Kúdikti ustalyp, ýaqytsha ustaý ızolıatoryna qamaldy. Eki kámeletke tolmaǵan bala medısınalyq mekemege jetkizildi. Qazirgi ýaqytta barlyq qajetti tergeý áreketteri júrgizilip jatyr», dep habarlady polısııa.
Vedomstvo ókilderiniń aıtýynsha, istiń barlyq mán-jaıy jan-jaqty ári obektıvti túrde zerttelip, tergeý qorytyndysy boıynsha zań talaptaryna saı prosessýaldyq sheshim qabyldanady.
Áıel poıyzda bosanyp, sábıin terezeden laqtyryp jibergen