Elimiz halyqaralyq avtomobıl tasymaldarynyń geografııasyn júıeli túrde keńeıtip keledi. 2025 jyly el 42 memleketpen úkimetaralyq kelisimder jasasyp, avtotranzıt pen eksport-ımport baǵyttaryn ártaraptandyrýǵa naqty qadam jasady. Bul sheshimder otandyq tasymaldaýshylardyń syrtqy naryqqa shyǵýyn jeńildetip, óńirlik logıstıkadaǵy Qazaqstannyń rólin kúsheıtýdi kózdeıdi, dep jazady Egemen.kz.
Atap aıtqanda, Túrkimenstan jáne Iran baǵytynda ruqsat etilmegen tasymaldaý júıesi engizildi. Bul júk kólikteriniń qozǵalysyn jedeldetip, ákimshilik kedergilerdi azaıtýǵa múmkindik berdi. Al Túrkııamen ýaǵdalastyqqa qol jetkizilýi Taıaý Shyǵys pen Eýropaǵa shyǵatyn dálizderdiń áleýetin arttyrdy.
Tranzıttik serpin: Qazaqstan kólik júıesiniń jańa kezeńi
Qazaqstan avtotranzıt salasynda taǵy bir mańyzdy nátıjege qol jetkizdi. El Qytaı aýmaǵy arqyly tranzıttik avtotasymaldaý quqyǵyn alǵan alǵashqy memleket atandy. Sonymen birge QHR jáne О́zbekstanmen birlesip, sheteldik ruqsat blankileriniń 65%-y sıfrly formatqa kóshirildi. Bul tasymal rásimderiniń ashyqtyǵyn arttyryp, ýaqyt pen shyǵyndy qysqartýǵa jol ashty.
Basqa basylymdardan: Qazaqstan negizgi tranzıttik dálizderdi damytyp jatyr
Naryqtaǵy tártip pen qaýipsizdikti kúsheıtý maqsatynda el aýmaǵynda júk kólikterin sıfrly ólsheý júıesi engizilip jatyr. Qazirdiń ózinde aıyppuldardy avtomatty túrde rásimdeý júıesimen biriktirilgen 73 avtomattandyrylǵan ólsheý stansasy ornatylǵan. Bul artyq júkteme men jol ınfraqurylymyna keletin zalaldy azaıtyp, tasymal salasyndaǵy ádil básekeni qamtamasyz etýge baǵyttalǵan.
Qazaqstannyń tranzıttik áleýeti qalaı ózgerdi?
Qabyldanǵan sharalar halyqaralyq avtotasymaldyń ınstıtýsıonaldyq negizin nyǵaıtyp qana qoımaı, Qazaqstandy óńirlik logıstıkalyq hab retinde ornyqtyrýǵa qyzmet etedi.