Búgin jarııalanǵan Qazaqstan Respýblıkasynyń jańa Konstıtýsııasynyń qorytyndy jobasynda Vıse-Prezıdent ókilettigine qatysty talaptar aıqyndaldy, dep jazady Egemen.kz.
Jańa zań jobasyna saı Qazaqstan Respýblıkasynyń Vıse-Prezıdentin depýtattardyń jalpy sanynyń kópshilik daýysymen berilgen Qazaqstan Respýblıkasy Quryltaıynyń kelisimimen Qazaqstan Respýblıkasynyń Prezıdenti taǵaıyndaıdy.
Quryltaı depýtattary qalaı saılanady?
Al Vıse-Prezıdent ókilettigi kezinde saıası partııada bolýyna ruqsat etilmeıdi.
«Vıse-Prezıdenttiń óz ókilettigi kezeńinde ókildi organnyń depýtaty bolyp saılanýǵa, ózge de aqy tólenetin laýazymdy atqarýǵa, kásipkerlik qyzmetti júzege asyrýǵa, sondaı-aq saıası partııada bolýǵa quqyǵy joq. Vıse-Prezıdent Qazaqstan Respýblıkasy Prezıdentiniń tapsyrmasy boıynsha Quryltaımen, Úkimetpen jáne basqa da memlekettik organdarmen ózara is-qımyl jasaý kezinde Prezıdent atynan ókildik etedi, sondaı-aq Prezıdent aıqyndaıtyn ózge de ókilettikterdi júzege asyrady», dep jazylǵan Konstıtýsııada.
Qoldanystaǵy Konstıtýsııanyń kúshi qashan joıylady?