Boljamdar naqtylana túspek: «Qazgıdromet» sýperkompıýterdi paıdalana bastady

Ýnıversıtette Sýperkompıýterlik ortalyǵynyń esepteý resýrstarynda Weather Research and Forecasting (WRF) sandyq aýa raıyn boljaý modeli iske qosyldy. Jobany júzege asyrýǵa Ekologııa jáne tabıǵı resýrstar mınıstrligi qoldaý kórsetti. Ortalyq Azııadaǵy eń qýatty sýperkompıýter paıdalanýǵa berilgennen keıin mınıstrlik bastamasymen Ulttyq gıdrometeorologııalyq qyzmet pen ýnıversıtet arasynda tyǵyz áriptestik ornady.

Qazaqstan álemdegi TOP-100 sýperkompıýter qataryna endi

Kún saıyn avtomatty rejımde jumys isteıdi

Qazir sýperkompıýterde WRF modeli kún saıyn avtomatty túrde iske qosylady. Sonyń nátıjesinde el aýmaǵy boıynsha:

Aýa temperatýrasy, Jaýyn-shashyn mólsheri, Jeldiń baǵyty men jyldamdyǵy, Meteogrammalar boıynsha naqty boljamdar qalyptastyrylady.

Esepteýler tolyq avtomattandyrylǵan. Sonymen qatar model nátıjeleriniń sapasy men dáldigin arttyrý úshin qosymsha taldaý jumystary qatar júrgiziledi.

Asqar Jumadildaev: Sýperkompıýter kúrdeli esepti úsh saǵatta shyǵaryp beredi

Gıdrometeorologııalyq qaýipsizdikke serpin

Jobanyń basty maqsaty – eldiń gıdrometeorologııalyq qaýipsizdigin nyǵaıtý jáne qaýipti tabıǵı qubylystar týraly erte eskertý júıesin jetildirý. Bul bastama ǵylym men óndiristiń tıimdi yqpaldastyǵyn kórsetedi. Memlekettik qurylym men jetekshi joǵary oqý orny arasyndaǵy áriptestik meteorologııalyq qyzmet sapasyn jańa deńgeıge kóterýge jol ashyp otyr.

Mamandardyń aıtýynsha, 2 shaqyrym ajyratymdylyqtaǵy WRF modelin engizý – Qazaqstandaǵy meteorologııa salasyn jańǵyrtýdyń mańyzdy qadamy. Endi paıdalanýshylar «Aýa raıynyń sandyq boljamy» bóliminde model esepteýleriniń nátıjeleri men elimizdiń barlyq óńiri boıynsha boljam kartalaryn kóre alady.

2030 jylǵa qaraı sýperkompıýterler kez kelgen qupııasózdi buza alady