Shahmatshy Bıbisara Asaýbaeva frıstaıl-shahmattan ótken kórneki oıynda klassıkalyq shahmattyń álem chempıony Aleksandra Kostenıýkti utty. Tórt partııadan turǵan kezdesý Bıbisaranyń paıdasyna 2,5:1,5 esebimen aıaqtaldy, dep jazady Egemen.kz.
Germanııada ótken frıstaıl-shahmattan álem birinshiligi bul joly tek erler arasynda uıymdastyryldy. Al áıelder básekesi Bıbisara Asaýbaeva men Aleksandra Kostenıýk arasyndaǵy arnaıy kórneki matchymen ǵana shekteldi. Sonyń ózinde bul kezdesýdiń salmaǵy jeńil bolǵan joq. Uıymdastyrýshylar 2027 jyly áıelder arasynda tolyq formattaǵy álem chempıonatyn ótkizýdi kózdep otyr. Al Qazaqstannyń shahmatshysy sol týrnırge qatysý múmkindigin qazirdiń ózinde ıelenip otyr.
Sensasııalyq nátıje: Bıbisara Asaýbaeva sýpertýrnırde úzdik bestikke endi
Oıyn nátıjesine qatysty Bıbisara Asaýbaeva:
«Jeńis árdaıym qýantady. Al eger ol aldaǵy álem chempıonatyna jol ashsa, onyń máni tipten bólek», dep pikir bildirdi.
Memleket basshysy Bıbisara Asaýbaevany jeńisimen quttyqtady
Aıta keteıik, frıstaıl-shahmatta fıgýralar ár partııa saıyn ózgeshe retpen ornalastyrylady. Bul oıynshylardy daıyn qalyptan shyǵaryp, olardyń oılaý erkindigin, pozısııalyq sezimtaldyǵy men taktıkalyq sheberligin tolyq ashýǵa májbúrleıdi. Germanııadaǵy jarys ta osy qyrymen kórermen nazaryn aýdardy.
Shahmat tastarynyń ataýy qaıdan shyqty?