Gvardeısk garnızonynda ornalasqan áskerı bólimderdiń birinde áskerı qyzmetshige kúsh qoldaný faktisi tirkelip, qylmystyq is qozǵaldy. Bul týraly Bas áskerı polısııa basqarmasy resmı málimdedi, dep habarlaıdy Egemen.kz.
Vedomstvonyń habarlaýynsha, áskerı qyzmetshilerdiń biri jaq súıeginen jaraqat alǵan. Zardap shekken áskerı qyzmetshi Almaty qalasyndaǵy Áskerı-klınıkalyq gospıtalǵa jetkizilip, em qabyldap jatyr. Oǵan qajetti biliktilik turǵydaǵy medısınalyq kómek kórsetilip jatyr, densaýlyq jaǵdaıy áskerı dárigerlerdiń turaqty baqylaýynda tur.
Almaty oblysynda áskerı qyzmetshi atys kezinde jaralandy
Atalǵan derek Sotqa deıingi tergep-tekserýdiń biryńǵaı tizilimine tirkelgen. Qazirgi ýaqytta jan-jaqty tekserý júrgizilip jatyr. Tergeý barysynda oqıǵaǵa qatysy bar barlyq tulǵalardyń áreketterine quqyqtyq baǵa beriledi. Sonymen qatar jarǵyǵa qaıshy ózara qatynas faktisi týraly joǵary turǵan qolbasshylyqqa der kezinde baıandamaǵan jáne medısınalyq kómekti uıymdastyrý boıynsha olqylyqqa jol bergen laýazymdy tulǵalardyń jaýapkershiligi de qaralady.
Tergeý kezeńinde áskerı bólimniń birqatar laýazymdy adamdary qyzmettik mindetterin atqarýdan ýaqytsha shettetilgen. Qorytyndysy boıynsha kináliler Qazaqstan zańnamasyna sáıkes jaýapqa tartylady.
Jambyl oblysynda áskerı qyzmetshi kóz jumdy
Málimdelgendeı, jaǵdaı Qarýly Kúshter basshylyǵynyń erekshe baqylaýynda tur. Tergeý múddesine baılanysty ózge aqparat jarııa etilmeıdi.
Áskerı qyzmetshiler men otbasy músheleri poıyzben tegin qatynaıdy