Prezıdent Qasym-Jomart Toqaev Reseı Federasııasynyń Prezıdenti Vladımır Pýtınmen telefon arqyly sóılesti, dep jazady Egemen.kz Aqordanyń baspasóz qyzmetine silteme jasap.
Memleketter basshylary Qazaqstan-Reseı san qyrly qarym-qatynasynyń qazirgi jaı-kúıi men damý perspektıvasyn dostyq ári ózara senim sıpatynda talqylady.
Prezıdentter joǵary deńgeıde qol jetkizilgen ýaǵdalastyqtardyń dáıekti túrde júzege asyrylyp jatqanyn atap ótti.
Sondaı-aq mádenı-gýmanıtarlyq baılanystardy tereńdetý jumystaryna oń baǵa berip, birlesken ǵylymı-bilim berý bastamalaryn ilgeriletýdiń mańyzyna toqtaldy.
Qasym-Jomart Toqaev Vladımır Pýtındi Qazaqstanǵa memlekettik saparmen kelýge shaqyrǵanyn taǵy da rastady.
Áńgimelesý barysynda taraptar halyqaralyq jáne óńirlik kún tártibindegi máseleler jóninde pikir almasty.
Aıta keteıik, búgin Qasym-Jomart Toqaev sýmo sportynyń otany Japonııada zor jetistikke jetken qazaqstandyq balýan Ersin Baltaǵulmen kezdesti. Kezdesý barysynda Prezıdent Ersin Baltaǵuldy II dárejeli «Barys» ordenimen marapattady.