О́SKEMEN. 25 aqpan. Shyǵysqazaqstandyqtar «Qazaqstan halqy Assambleıasy – 20 izgi is» estafetasyn zor qoshemetpen qarsy aldy. Bul týraly egemen.kz tilshisi habarlady.
Oblys ortalyǵyna kire beristegi Qarakereı Qabanbaı batyr eskertkishiniń janynda elimizdiń kók baıraǵy men Qazaqstan halqy Assambleıasynyń jáne Assambleıa jylynyń týlary jelbiregen avtokólik kerýeni atalǵan estafetanyń basty nyshany «Taıqazandy» tóbelerine kótere engende Shyǵys óńiriniń halqy aıryqsha saltanatpen kútip aldy.
Estafeta músheleri О́skemenniń ortalyq alańyndaǵy Abaı eskertkishine taǵzym etip, gúl shoqtaryn qoıdy. Oblys ortalyǵynda «Taıqazandy» óńir basshylary, etnomádenı birlestikterdiń ókilderi men qala jurtshylyǵy qarsy aldy. «Subaru club ukg» avtokólik tizbegi ári qaraı ózderiniń Uly Otan soǵysynyń ardagerlerine arnalǵan materıaldyq kómekterin tapsyrdy. Sodan soń Dostyq úıinde baspasóz ókilderimen kezdesý ótkizdi.
Taıqazan – toqshylyqtyń, bereke-birliktiń nyshany. Taıqazannyń kóshirmesi aqpan aıynyń basynda elimizdegi tatýlyq pen kelisimniń kórinisi retinde qasıetti Túrkistannan elordaǵa jetkizilgen bolatyn. Astanadan bastalǵan avtokólik kerýeni Taıqazandy elimizdiń barlyq oblystarymen alyp ótpek. Osyǵan deıin birneshe óńirlerdi aralap úlgergen Taıqazannyń ishin otandastarymyz túrli qaıyrymdylyq ıdeıalary men josparlary jazylǵan jazbalarǵa toltyrady. Bul bastamalar bıylǵy Assambleıa jyly aıasynda júzege asyrylmaq.
«Shyǵys Qazaqstan oblysynyń turǵyndary «Taıqazan» estafetasyn 23 aqpanda qarsy aldy. Ultymyz úshin qasıeti bólek jádiger aldymen Semeı shaharyna jetkizilgen bolatyn. Endi, mine, óskemendik turǵyndar da asyǵa kútken estafetamen qaýyshyp, Taıqazandy kórý baqytyna ıe boldy. Bul jádiger oblys ortalyǵynda 27 aqpanǵa deıin bolady. Shyǵysqazaqstandyqtar qasıetti jádigerdiń óńirimizge kelýin jaqsylyqqa balap otyr», – dedi oblystaǵy Qazaqstan halqy Assambleıasy hatshylyǵynyń jetekshisi Erkimbek Aıazbaev.
Izgi tilekterge toly «Taıqazan» estafetasy kelesi kezekte Almaty qalasyna jetkiziletin bolady.
Dýman Anash.
Derek, sýret: egemen.kz.