Qysqy olımpıadalyq sport túrlerinen el namysyn qorǵaıtyn otandyq sportshylardy memlekettik qoldaý aıasynda 2025 jyly mánerlep syrǵanaýshy, Olımpıada chempıony Mıhaıl Shaıdorov pen onyń komandasynyń daıyndyǵyna 263 394 581 teńge jumsalǵan, dep habarlaıdy Egemen.kz.
Onyń ishinde 19 oqý-jattyǵý jıynyna (8-i Qazaqstanda, 11-i shetelde) 47 mln teńge, al 5 halyqaralyq jarysqa qatysýǵa 16 mln teńge bólingen.
2025 jyly sportshynyń jalpy eńbekaqysy (QR TSM DRS, federasııa jáne ákimdik jelisi boıynsha) 33 989 000 teńgeni qurady.
Mıhaıl Shaıdorov – Olımpıada chempıony!
Sportshynyń jeke bapkeri Alekseı Ýrmanovtyń 2025 jylǵy eńbekaqysy (QR TSM DRS jáne federasııa jelisi boıynsha) 26 000 000 astam teńge boldy.
Horeograf I.V. Regınanyń 2025 jylǵy eńbekaqysy (QR TSM jáne federasııa jelisi boıynsha) 23 000 000 teńgeni qurady.
Qosymsha túrde jarys baǵdarlamalaryn qoıý, eki kostıým tiktirý jáne shyǵarmalarǵa avtorlyq quqyqtardy satyp alý shyǵyndary da qarjylandyryldy. Buǵan deıin sportshy álem chempıonaty men Azııa oıyndaryndaǵy joǵary nátıjesi úshin 6 694 581 teńge kóleminde birjolǵy syıaqy alsa, jattyqtyrýshylar shtabyna qosymsha 1 506 040 teńge tólengen.
Mıhaıl Shaıdorov tarıhı jeńisinen keıin álemdik reıtıngte úzdik úshtikke endi