Qyzylorda oblysyndaǵy temirjol vokzaldaryn jańǵyrtý jumystary aıaqtalýǵa jaqyn. Jańaqorǵan, Shıeli jáne Qazaly vokzaldary men Talap platformasynda qurylys-montaj jumystary 99%-ǵa oryndalǵan. Nysandarda qazir sońǵy árleý, retke keltirý jumystary júrgizilip jatyr, dep jazady Egemen.kz.
Kólik mınıstrligi óńirdegi temirjol vokzaldaryn rekonstrýksııalaý barysyna arnalǵan jumys keńesin ótkizdi. Jıynǵa oblys ákimdigi, «Qazaqstan temir joly» ulttyq kompanııasy, merdiger uıymdar men jobalaý-ınjınırıngtik kompanııalar ókilderi qatysty.
Keńeste Jalaǵash, Josaly, Tereńózek, Tóretam, Jańaqorǵan, Shıeli, Aral teńizi, Sekseýil, Qazaly stansııalaryndaǵy vokzaldardy jáne Talap platformasyn jańǵyrtý jobalary qaraldy. Ásirese, aıaqtalýǵa jaqyn nysandardaǵy jumys qarqyny men sapasyna basa nazar aýdaryldy.
Qyzylorda oblysynda 300 oryndyq kópbeıindi aýrýhana salynyp jatyr
Otyrysta qurylys jumystarynyń óndiristik kestege sáıkestigi, qurylys-montaj is-sharalarynyń sapasy jan-jaqty talqylandy. Sonymen qatar rekonstrýksııa kezeńinde jolaýshylarǵa qolaıly jaǵdaı jasaý úshin ýaqytsha ınfraqurylymdy tıimdi uıymdastyrý máselesi kóterildi. Bul – qurylys júrip jatqan kezeńde de halyqqa qyzmet sapasyn tómendetpeýdiń mańyzdy sharty.
О́ńirdi jańǵyrtý baǵdarlamasyna engizilgen barlyq vokzal keshenderi bıyl tolyq paıdalanýǵa berilmek. Keńes qorytyndysynda jobalardy ýaqytyly ári sapaly aıaqtaý úshin «Qazaqstan temir joly» ulttyq kompanııasyna, merdiger jáne jobalaý uıymdaryna naqty tapsyrmalar júkteldi.
Temirjol vokzaldaryn qaıta jańǵyrtý – tek ǵımarattardy jóndeý emes, bul – tutas ınfraqurylymdy zaman talabyna saı beıimdeý. Jańartylǵan nysandar Qyzylorda oblysynyń turǵyndary men qonaqtary úshin temirjol qatynasynyń jaılylyǵyn, qaýipsizdigin jáne qoljetimdiligin arttyrýǵa baǵyttalǵan.
«Aýyl» partııasy: Qyzylordada jańa Konstıtýsııa jobasy talqylandy