Resmı derekterge sáıkes, elimizde jerasty sýlarynyń bekitilgen paıdalaný qorlary táýligine shamamen 43,1-43,2 mln tekshe metrdi quraıdy. Alaıda is júzinde osy kólemniń nebári 3-4%-y ǵana paıdalanylyp keledi, dep jazady Egemen.kz.
Osyndaı derekterdi keltirip, Premer-mınıstrge depýtattyq saýal joldaǵan senatorlar jerasty sý resýrstarynyń eleýli bóliginiń ekonomıkalyq aınalymnan tys qalyp otyrǵanyn, olardy basqarý júıesiniń jetkiliksizdigin aıtty.
Elimizdiń sý qoımalary tasqyn sýǵa daıyn ba?
Senatorlardyń málimdeýinshe, elimizde sharýashylyq-aýyzsý qajettiliginiń shamamen 40%-y jerasty sýlary esebinen, al 60%-y jerústi sý kózderi esebinen qamtamasyz etiledi. Tushy jerasty sýlarynyń 68%-y Almaty, Jambyl, Túrkistan jáne Qyzylorda oblystarynda shoǵyrlanǵan. Al Atyraý, Mańǵystaý jáne Soltústik Qazaqstan oblystary sý tapshylyǵy joǵary óńirler qataryna jatady.
«Mysaly, Almaty qalasynda jerasty sý qorlaryn paıdalaný deńgeıi 73%-dy qurasa, Túrkistan qalasynda bul kórsetkish 1%-dan tómen, bul óńirlik damý úshin paıdalanylmaı otyrǵan eleýli rezervtiń bar ekenin aıqyn kórsetedi. Jerasty sýlary aýyzsý kózi retinde ǵana emes, ırrıgasııa, ónerkásip, mıneraldy jáne tuzdy sýlar retinde de ekonomıkanyń mańyzdy salalaryn qamtamasyz etýi tıis. Alaıda búgingi tańda olardyń áleýeti tolyq iske asyrylmaı otyr», dedi depýtattyq saýaldy jarııa etken senator Janbolat Jórgenbaev.
Saýranda sý shaıyp ketken kópir qalpyna keltirildi
Sondaı-aq depýtattardyń aıtýynsha, jerasty sýlarynyń jalpy eksplýatasııalyq qorlarynyń 50%-y, ıaǵnı táýligine 21,3 mln tekshe metri, sýarmaly eginshilik maqsattaryna arnaıy barlanǵan. Soǵan qaramastan, naqty paıdalaný kólemi táýligine nebári 0,15 mln tekshe metr, ıaǵnı 0,7%-dy ǵana quraıdy. Bul sý tapshylyǵy jaǵdaıynda aýyl sharýashylyǵy úshin asa mańyzdy strategııalyq rezervtiń is júzinde paıdalanylmaı otyrǵanyn kórsetedi.