21 aqpanda Qazaqstannyń basym bóliginde qolaısyz aýa raıy kútiledi, dep habarlaıdy Egemen.kz.
Sınoptıkterdiń boljamynsha, birqatar óńirde qar men jańbyr, burqasyn, kóktaıǵaq, tuman jáne ekpindi jel bolady.
Ulytaý oblysynda jaýyn-shashyn, burqasyn, kóktaıǵaq kútiledi. Oblystyń soltústigi men shyǵysynda qatty jaýyn-shashyn boljanady. Jel ońtústik-shyǵystan soǵyp, batysqa aýysady. Túnde ekpini 15-20 m/s, kúndiz 23 m/s-qa deıin jetýi múmkin. Jezqazǵanda túnde jáne tańerteń jaýyn-shashyn, burqasyn, kóktaıǵaq bolady.
Qaraǵandy oblysynyń batysynda qar men burqasyn, soltústigi men shyǵysynda qatty qar jaýady. Keı aýmaqtarda tuman túsip, kóktaıǵaq qalyptasady. Jeldiń ekpini 25 m/s-qa deıin kúsheıýi yqtımal. Qaraǵandy qalasynda kúndiz qar men burqasyn kútiledi.
Jambyl oblysynyń taýly aýdandarynda qatty jaýyn-shashyn boljansa, Tarazda tuman kútiledi. Jetisý oblysynyń shyǵysy men taýly aımaqtarynda keı ýaqytta qatty jaýyn-shashyn bolady. Jel ekpini 23-28 m/s-qa deıin jetýi múmkin. Taldyqorǵanda kúndiz jel 15-20 m/s-qa kúsheıedi.
Almaty oblysynyń taýly aýdandarynda qatty qar jaýýy yqtımal. Keı jerlerde tuman túsip, joldarda kóktaıǵaq qalyptasady. Jeldiń ekpini 28 m/s-qa deıin jetýi múmkin. Qonaevta kúndiz jel 23 m/s-qa deıin kúsheıedi.
Astanada kúndiz qar men burqasyn boljanyp otyr. Jeldiń ekpini 15-20 m/s.
Soltústik Qazaqstan, Aqmola, Qostanaı jáne Abaı oblystarynda qar, burqasyn, tuman jáne kóktaıǵaq kútiledi. Keı óńirlerde jeldiń ekpini 23-28 m/s-qa deıin jetedi. Petropavl men Qostanaıda túnde jáne tańerteń qar men burqasyn bolady.
Batys Qazaqstan oblysynda qar, jaıaý burqasyn jáne kóktaıǵaq kútiledi. Oral qalasynda da qar jaýyp, tuman túsýi múmkin. Jeldiń ekpini 15-20 m/s-qa deıin kúsheıedi.
Atyraý jáne Aqtóbe oblystarynda kóktaıǵaq pen tuman kútiledi. Keı aýmaqtarda jaýyn-shashyn bolady. Jeldiń ekpini 15-18 m/s.
Qyzylorda oblysynda tuman men kóktaıǵaq boljanyp otyr. Túnde jeldiń kúshi 15-20 m/s-qa jetedi. Shyǵys Qazaqstan oblysynda azdaǵan qar, jaıaý burqasyn jáne tuman kútiledi. О́skemende túnde jáne tańerteń tuman túsedi.
Túrkistan oblysynda jaýyn-shashyn, taýly aýdandarda qatty jańbyr men qar kútiledi. Shymkentte túnde qatty jaýyn-shashyn (kóbinese jańbyr) boljanady. Jeldiń ekpini keı ýaqytta 15-20 m/s-qa jetedi.
Sınoptıkter jol qozǵalysyna qatysýshylardy aýa raıynyń kúrt ózgerýine baılanysty saq bolýǵa shaqyrady. Kóktaıǵaq pen ekpindi jel kólik qozǵalysyn qıyndatýy múmkin.