Polısııa qyzmetkerleri AQSh prezıdenti Donald Tramptyń Florıda shtatyndaǵy Mar-a-Lago rezıdensııasynyń aýmaǵyna «ruqsatsyz kirgen» er adamdy atyp óltirdi. Bul týraly AQSh Qupııa qyzmetiniń baspasóz hatshysy Entonı Gýlelmı X áleýmettik jelisindegi paraqshasynda málimdedi, dep jazady Egemen.kz.
Entonı Gýlelmı qaza tapqan adamnyń esimin atamaı, tek onyń 20 jasta bolǵanyn habarlady. Jarııalanǵan málimdemede er adamnyń prezıdent rezıdensııasynyń soltústik qaqpasy mańynda myltyqqa uqsas zatpen jáne janarmaı quıylǵan ydyspen júrgeni baıqalǵany aıtylǵan.
Donald Tramp Iranǵa kúsh qoldanýdy talqylaıdy
Habarlamaǵa sáıkes, kúzetiletin aýmaqta qarýly bolýy múmkin er adam anyqtalǵannan keıin Qupııa qyzmet agentteri men sherıftiń orynbasary aldymen onymen baılanys ornatqan. Alaıda kúdikti agressıvti áreket etken soń, kúshtik qurylym qyzmetkerleri ony atyp toqtatýǵa májbúr bolǵan. Polısııa men Qupııa qyzmet ókilderiniń eshqaısysy zardap shekpegeni atap ótildi.
AQSh Prezıdenti Donald Tramp Qazaqstanǵa kelýi múmkin
Sondaı-aq oqıǵa kezinde Tramp rezıdensııada bolmaǵany, onyń Vashıngtonda bolǵany habarlandy.