24 aqpanda AQSh-tyń Keden jáne shekara qyzmeti Aq úı ákimshiligi engizgen ımporttyq baj salyǵyn alýdy resmı túrde toqtatady. Buǵan deıin AQSh Joǵarǵy soty bul tarıfterdi zańsyz dep tanyǵan edi. Alymdardy toqtatý shyǵys ýaqyty boıynsha saǵat 00:01-den bastap kúshine enedi. Keden qyzmeti tasymaldaýshylardy ishki habar almasý júıesi arqyly eskertip, IEEPA zańy aıasynda Tramptyń jarlyqtaryna baılanysty engizilgen barlyq tarıftik kodtar óshiriletinin málimdedi, dep habarlaıdy Egemen.kz.
Sot sheshimi shyqqannan keıin tarıfterdiń nege taǵy birneshe kún boıy qoldanysta bolǵany týraly resmı túsinikteme berilmedi. Sondaı-aq ımporttaýshylar buryn tólegen qarajattyń qanshalyqty qaıtarylatyny ázirge belgisiz. Vedomstvonyń atap ótýinshe, bul sheshim barlyq saýda shekteýlerine qatysty emes. Ulttyq qaýipsizdik týraly zańnyń 232-bólimi jáne ádiletsiz saýda tájirıbesine qatysty 301-bólim negizinde engizilgen baj salyǵy óz kúshinde qalady.
Donald Tramptyń rezıdensııasyna jasyryn kirmek bolǵan adamǵa oq atyldy
20 aqpanda AQSh Joǵarǵy soty Aq úı basshysy basqa elderge qarsy engizgen aýqymdy ımporttyq tarıfterdiń bir bóligin zańsyz dep tanydy. Sýdıalar Tramp halyqaralyq tótenshe ekonomıkalyq ókilettikter týraly zańdy (IEEPA) paıdalanyp, is júzinde kóptegen elderge tarıf engizý arqyly óz ókilettigin asyra paıdalanǵan degen qorytyndyǵa keldi.
Osyǵan jaýap retinde Aq úı 10 paıyzdyq jańa «jahandyq» baj salyǵyn jarııalap, keıin onyń mólsherlemesin 15 paıyzǵa deıin kóterdi.