Úkimette Premer-mınıstrdiń orynbasary – ulttyq ekonomıka mınıstri Serik Jumanǵarınniń tóraǵalyǵymen ótkizilgen syrtqy saýda jáne halyqaralyq ekonomıkalyq uıymdarǵa qatysý máseleleri jónindegi Vedomstvoaralyq komıssııanyń (VAK) otyrysynda elimizdiń azyq-túlik jáne ekonomıkalyq qaýipsizdigine áser etetin birqatar túıindi másele qaraldy, dep jazady Egemen.kz.
Kartopty eksporttaýǵa tyıym salynbaıdy
Komıssııa otyrysynda ishki naryqtaǵy baǵanyń aıtarlyqtaı turaqtanýyn jáne jetkilikti qor bar ekenin eskere otyryp, kartop eksportyna shekteý alynyp tastaldy.
Sıyr etin eksporttaýshylarǵa kvota berý talaby jeńildetiledi
Kvota bólýdiń qoldanystaǵy tetigi boıynsha keminde 5 myń basqa arnalǵan jeke bordaqylaý alańy men óziniń et kombınatynyń bolýy sekildi birqatar talap eskerilýi kerek. Úkimettiń baspasóz qyzmetiniń málimetinshe, sheshim qabyldaý kezinde VAK-qa qatysýshylar Úkimet bekitken Mal sharýashylyǵyn damytýdyń keshendi josparyn da nazarǵa alǵan. Qujat iri qara mal sanyn 7,9 mln-nan 12 mln basqa arttyrýdy, sondaı-aq eksporttyq áleýetti nyǵaıtýdy jáne qazaqstandyq sıyr etin ótkizýdiń jańa naryǵyn ashýdy kózdeıdi. Aýyl sharýashylyǵy mınıstrligi kvota bólýdiń qoldanystaǵy erejesine tıisti ózgeristerdi engizedi.
Astanada zańsyz et ónimderin satyp kelgen jasyryn seh anyqtaldy
Sonymen qatar analyq mal basyn saqtaý jáne otandyq qaıta óńdeý kásiporyndaryn shıkizatpen qamtamasyz etý maqsatynda Qazaqstannan iri qara men usaq maldyń analyq basyn, sondaı-aq iri qara maldyń buqashyqtaryn, onyń ishinde Eýrazııalyq ekonomıkalyq odaqqa (EAEO) múshe memleketterge áketýge tyıym salýdy uzartý týraly sheshim qabyldandy.
Alty aıǵa deıin taýyq jumyrtqasyn EAEO elderinen ımporttaýǵa tyıym salynady
Qazir Qazaqstanda 70 qus fabrıkasy jumys isteıdi. Onyń 34-i jumyrtqa, 29-y et, 7-eýi asyl tuqym óndiredi. 2025 jyldyń qorytyndysy boıynsha taýyq jumyrtqasynyń óndirisi – 2,4%-ǵa, 4 568,5 mln danaǵa artqan. Ishki naryqtaǵy otandyq óndiris 98%-dy qurap otyr. Tıisti buıryqty Aýyl sharýashylyǵy mınıstrligi qabyldaıdy.
8 naýryz qarsańynda arzan baǵada azyq-túlikti qaıdan satyp alýǵa bolady?
Sondaı-aq jıynda temir jol jyljymaly quramy men temir jol tóseminiń elementteri úshin quramdas bólikterdi úshinshi elderden ımporttaýǵa tyıym salýdy engizýdiń oryndylyǵy týraly másele qaraldy. Talqylaý barysynda otandyq jıyntyqtaýshy óndirýshilerdiń, lokomotıv óndirýshiler men tutynýshylardyń, onyń ishinde «QTJ» AQ-nyń ustanymdary tyńdaldy.
Azyq-túlik nege qymbattap jatyr? Serik Jumanǵarın baǵa ósiminiń sebepterin atady
Talqylaý qorytyndysy boıynsha ımportqa shekteýler engizýdiń orynsyz ekeni týraly sheshim qabyldandy. Sonymen qatar «Qazaqstan temir joly» AQ-ǵa temirjol jyljymaly quramyna arnalǵan qosalqy bólshekter men temirjol tósemi elementterin satyp alý kezinde otandyq óndirýshilerge basymdyq berýdi qamtamasyz etý tapsyryldy.