Halyqaralyq áıelder kúni qarsańynda «Jolaýshylar tasymaly» AQ poıyzdarynda merekelik aksııa uıymdastyryldy, dep habarlaıdy Egemen.kz.
Aksııa aıasynda elimizdiń túrli baǵyttarynda qatynaıtyn poıyzdarda 1000-nan astam áıel jolaýshyǵa gúl shoqtary men estelik syılyqtar tabystalyp jatyr. Tańerteńnen bastap jolserikter jolaýshylardy kele jatqan merekemen quttyqtap, shaǵyn syılyqtar usynyp keledi.
8 naýryz merekesine oraı Astanada qandaı is-sharalar ótedi?
Kóptegen jolaýshy úshin mundaı iltıpat jaǵymdy tosynsyıǵa aınalyp, merekelik kóńil kúı syılaǵan. Sonymen qatar birqatar poıyzdarda merekege oraı arnaıy bezendirýler jasalyp, jol ústinde erekshe kóktemgi atmosfera qalyptasqan.
Aıta keteıik, bul bastama ulttyq tasymaldaýshy men «Kaztechnology» kompanııasynyń birlesýimen uıymdastyrylǵan. Sońǵy jyldary dástúrge aınalǵan aksııanyń basty maqsaty – sapar barysynda áıel jolaýshylarǵa kóterińki kóńil kúı syılaý jáne merekelik atmosfera qalyptastyrý.
8 naýryz qarsańynda kópbalaly analarǵa beriletin járdemaqy mólsheri qandaı?
Jalpy alǵanda, jyl saıyn Jolaýshylar tasymaly poıyzdarymen shamamen 13 mıllıonǵa jýyq adam sapar shegedi. Olardyń jartysynan astamyn áıel jolaýshylar quraıdy.