Búgingi tańda Qazaqstannyń jer qoınaýyn paıdalaný salasynda kómirsýtekterdi barlaý men óndirýge arnalǵan 321 kelisimshart, sondaı-aq kómir óndirýge arnalǵan 36 kelisimshart qoldanysta júr, dep habarlaıdy Egemen.kz.
Resýrstardy basqarýdyń tıimdiligi 2025 jylǵy aýksıondardyń qorytyndysymen rastalady. Olardyń nátıjesi boıynsha 1,2 mlrd teńge qol qoıý bonýsy somasyna jáne geologııalyq barlaýǵa baǵyttalǵan 45,5 mln AQSh dollary kólemindegi bastapqy ınvestısııasymen 6 jer qoınaýy ýchaskesi iske asyryldy.
Jergilikti qamtýdy arttyrýǵa erekshe kóńil bólinýde: 2025 jyldyń qorytyndysy boıynsha jer qoınaýyn paıdalanýshylardyń satyp alýlaryndaǵy ishinara eldik qundylyq úlesi 65%-ǵa deıin ósti, bul aqshalaı balamada 3 trln teńgeni qurady. Salystyrmaly túrde aıtsaq, 2024 jyly bul kórsetkish 61,9% bolǵan edi.
Oqshaýlaýdy odan ári damytýdyń aıtarlyqtaı áleýeti 19 taýar toby boıynsha anyqtaldy, olar iri operatorlardyń uzaq merzimdi qajettilikteriniń 80%-yn quraıdy.
Jer qoınaýyn zańsyz paıdalanǵandar jaýapqa tartyldy
Osy strategııa aıasynda 2022-2025 jyldar aralyǵynda halyqaralyq ınvestorlarmen 25 kelisimge qol qoıyldy. Bul Honeywell, PetrolValves, WIKA jáne Schlumberger sııaqty brendterdiń ónimderin qosa alǵanda, joǵary tehnologııalyq jabdyqtardyń 9 óndirisin sátti oqshaýlaýǵa múmkindik berdi.
Kómirsýtek jáne ýran salasynda jer qoınaýyn paıdalaný týraly zańǵa túzetýler engizildi
Sondaı-aq munaı-gaz salasynda eń kóp suranysqa ıe túpnusqa taýarlardy shyǵaratyn kelesi álemdik óndirýshilermen birlesip, jańa óndiristerdi oqshaýlaý boıynsha jumystar júrgizilýde: Chemelex (AQSh), John Crane (AQSh), Hi Air Korea (Koreıa), Baker Hughes (AQSh), KazWell Systems (Qazaqstan/Brazılııa), Terranova Srl (Italııa), Swagelok (AQSh), Slb (AQSh), Siemens (Germanııa).