Qostanaı oblysynyń turǵyndary Ulystyń uly kúni qarsańynda ótip jatqan referendýmge erekshe yqylaspen qatysyp jatyr. О́zderi tirkelgen ýchaskege bireýler Qydyr ata keıpinde kelse, keıbir azamattar bala-shaǵasymen birge búkil áýletimen ulttyq kıimmen kelip daýys berip ketip jatyr. Osylaısha, el taǵdyry tarazyǵa túsken mańyzdy saıası naýqan kóp jerde merekelik sıpat alyp jatyr desek bolady, dep jazady Egemen.kz.
Referendým ýchaskeleriniń 18 jasqa jańa tolyp búgin birinshi ret daýys bergen jastarǵa, erte turyp elden buryn kelgen azamattarǵa, týǵan kún ıelerine shaǵyn syı-sııapat kórsetip jatqany da kóńilge qýanysh uıalatqandaı.
Qostanaılyq turǵyndar referendýmda belsendilik tanytty
Mysaly, búgin №3 referendým ýchaskesine kelgen Qostanaı qalasynyń turǵyny Borangúl Júsipova óz týǵan kúninde daýys berip, shaǵyn syılyqqa ıe boldy. Búgin 69 jasqa kelgen zeınetker áli eńbekten qol úzgen joq. Oblys ortalyǵyndaǵy №2 emhanada kishi sanıtar bolyp jumys isteıdi.
«Úsh balam, úsh nemerem bar. Dál meniń týǵan kúnimde búkil el bolyp jańa Konstıtýsııa jobasyn qabyldaý jóninde tańdaý jasap jatqanyn jaqsy yrymǵa joryp otyrmyn. Búgin tańdaý jasap jatqan ár adamnyń daýsy el bolashaǵy úshin mańyzdy dep sanaımyn», deıdi týǵan kún ıesi.
Qostanaı oblysy
О́skemen turǵyny paraplanmen kelip daýys berdi