Elimizde aqyly joldardy paıdalaný tóleminiń merzimi ózgertildi. Jańa erejege sáıkes, júrgizýshilerge tólem jasaý úshin beriletin ýaqyt ulǵaıyp, talaptar naqtylandy, dep jazady Egemen.kz
Buǵan deıin jol aqysyn jeti kún ishinde tólemegen jaǵdaıda, segizinshi kúni materıaldar kólik baqylaý organdaryna joldanatyn. Endi bul merzim edáýir uzartylyp otyr. Jańa tártip boıynsha, eger jeke tulǵa jol júrgen kúnnen bastap 30 kúntizbelik kún ishinde tólem jasamasa, materıaldar 31-kúni zańnamada belgilengen tártippen ýákiletti organǵa jiberiledi.
17 naýryzda qaı óńirlerde jol jabyq tur?
Sonymen qatar zańdy tulǵalar úshin de tólem tártibi naqtylandy. Endi olar aqyly joldardy paıdalanǵany úshin esepti aıdan keıingi aıdyń 20-kúnine deıin tólem júrgizýge mindetti. Eger belgilengen merzimde qarajat túspese, materıaldar kelesi kúni kólik baqylaý organdaryna joldanady.
Mamandardyń aıtýynsha, tólem merzimin uzartý júrgizýshiler úshin qolaıly jaǵdaı jasap, bereshekti ýaqytyly óteýge múmkindik beredi. Bul rette jańa talaptar tártipti kúsheıtip, tólem júıesiniń ashyqtyǵyn qamtamasyz etýge baǵyttalǵan.
Aqyly joldar: Elimizde qaı baǵyttarda tólem alynady?
Aıta keteıik, qujat resmı jarııalanǵannan keıin 10 kún ótken soń kúshine enedi.