Memleket basshysy HIV Qysqy Paralımpıada oıyndaryndaǵy (Italııa) joǵary sporttyq jetistikteri úshin Erbol Hamıtovty III dárejeli «Barys» ordenimen marapattady, dep habarlaıdy Egemen.kz.
Búgin Prezıdent Aqordada HIV Qysqy Paralımpıada oıyndaryndaǵy (Italııa) joǵary sporttyq jetistikteri úshin Erbol Hamıtovty III dárejeli «Barys» ordenimen marapattady.
Sondaı-aq Týrızm jáne sport mınıstrligine qarasty Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń jattyqtyrýshylary Vasılıı Kolomıes pen Anton Jdanovıchke «Parasat» ordeni, Soltústik Qazaqstan oblysyndaǵy «Úmit» múmkindikteri shekteýli tulǵalarǵa arnalǵan sport klýbynyń jattyqtyrýshysy Aslan Toqbaevqa «Qurmet» ordeni tabystaldy.
Memleket basshysy Paralımpıada oıyndarynyń chempıony Erbol Hamıtovty marapattady
Aıta keteıik, Erbol Hamıtov para bıatlon jarysynda jeńis tuǵyrynyń eń bıik satysyna kóterildi. Ol 4,5 shaqyrymdyq iz kesý jarysynda (otyryp jarysý sanaty) úzdik nátıje kórsetip, chempıon atandy.
Jarysta qara úzgen jeńimpaz ýkraınalyq Taras Radty, qytaılyq Szysıýı Lıýdi shań qaptyrdy.
Sondaı-aq ol osy Paralımpıada oıyndarynda para shańǵy jarysynan qola medaldi jeńip alǵan edi. Osylaısha qazaqstandyq sportshy bir jarystyń ózinde eki júldeni qorjynǵa saldy.