Qamkóńil jandar qamqorlyqsyz qalmaıdy

Oblystyq jumyspen qamtýdy úılestirý jáne áleýmettik baǵ­dar­­lamalar basqarmasynyń dere­gine qaraǵanda, ótken jyly áleý­mettik qyzmetter portaly arqyly 24 789 múgedektigi bar adamdar tehnıkalyq ońaltý qural­darymen, áleýmettik qyz­mettermen qamtamasyz eti­lipti. 3 329 adamǵa protezdik-ortopedııalyq, 536 múm­kin­digi shekteýli janǵa sýrdo­lo­gııalyq kómek berilipti. Tıflo­teh­nı­ka­lyq quraldarmen 1 409, arnaýly júrip-turý qyzmetimen 746 adam qamtylǵan. Sanatorıı-ký­rorttyq emdelýge 6 153 jibe­ril­gen. 1 045 múgedek jeke kómek­shiniń, 213 adam ymdaý tili ma­ma­ny­­nyń qyzmetin alǵan.

Memlekettik áleýmettik tapsyrys aıasynda múgedekterdi tasymaldaıtyn 156 ınvataksı bar. Onyń ishinde 10 kólik qana arnaıy jabdyqtalǵan. Byltyr 156 ınvataksımen 4 175 qozǵalýda qıyndyǵy bar múgedekterge 328 721 tasymal jasalypty.

Degenmen múgedekterdiń mu­ńyna atústi qaraıtyndar bar. Aı­talyq, Jylyoı aýdan­dyq prokýratýrasynyń qyzmet­ker­leri ınvataksı qyzmetin uıym­das­tyrýǵa qatysty óreskel zań buzý­shylyqtardy anyqtady. Aýdannyń birinshi, ekinshi top­taǵy múgedekteri qozǵalys kezin­de, dıspetcherlermen baılanys or­na­týda negizsiz shekteýlerge tap bolǵan.

«Prokýratýra qyzmetkerleri múmkindigi shekteýli azamattardyń konstıtýsııalyq quqyǵynyń saqta­lýyna taldaý júrgizdi. Tal­daý barysynda jergilikti ınva­taksı qyzmeti aýyldyq ok­rýg­ter men eldi mekenderge kórsetilmegeni, dıspetcherlik qyz­met­tiń jumysy tıisti túr­de uıym­dastyrylmaǵany anyq­tal­dy. Nátıjesinde, Jyly­oı aýdanynda turatyn 156 tur­ǵynnyń quqyǵy tolyqtaı qal­pyna keltirildi. Múgedek­ter­diń quqyǵyn buzyp, óz mindetin tıisinshe oryndamaǵany úshin úsh laýazymdy qyzmetker tártiptik jaýapkershilikke tartyldy», dep habarlady oblystyq pro­ký­ratýranyń baspasóz qyz­meti.

Inder aýdanynyń prokýratýrasy da osyndaı kemshilikti anyqtap otyr. Atalǵan aýdanda da arnaıy áleýmettik qyzmetter kórsetý, múmkindigi shekteýli jandardyń ınfraqurylymǵa, kólik nysandaryna qoljetim­di­li­gin qamtamasyz etý salasynda eleýli buzýshylyqtar kezdesedi.

«Tekserý kórsetkendeı, mem­lekettik qoldaý kóbinese res­mı túrde júzege asyrylady. Qada­ǵalaý organy kúndizgi bólim­she jumys isteıtin jartylaı stasıonarlyq úlgidegi uıymda Áleýmettik kodekstiń talaptary buzylǵanyn anyqtady. О́res­kel jaǵdaı – balalardy qoldaýǵa arnalǵan beıindi uıym­da birde-bir qamqorshy joq», dep málim etti oblystyq prokýratýradan.

Aýdanda múmkindigi shekteýli bala­larǵa múlde qyzmet kórsetil­megen. Jaýapty adamdar muny ǵımarattyń joqtyǵymen túsin­di­redi.

«Sheneýnikter tek qaǵaz toltyrýmen aınalysyp, balalar qa­jetti ońaltý men kómeksiz qal­­ǵan. Inderbor kentiniń ınf­ra­­qurylymyn tekserý nátı­jeleri odan da soraqy boldy. Prokýratýra múmkindigi shek­teýli jandarǵa jekelegen nysan­dardyń qoljetimsiz ekenin anyq­tady. Tekserý nátıjeleri boıyn­sha buzýshylyqtar joıyldy. Inderbor kentiniń ákimi men uıym basshysy ákimshilik, aýdan ákiminiń atalǵan salaǵa jetekshilik etetin orynbasary men áleýmettik baǵdarlamalar bó­li­miniń bastyǵy tártiptik jaýap­kershilikke tartyldy. Osylaısha, 19 múmkindigi shek­teýli balanyń quqyǵy qorǵal­dy», dep aqparat berdi prokýratýradan.

Teginde múmkindigi shekteýli jan­dar da – qoǵamnyń beldi mú­shesi. Buqaranyń bul tobyn­da­ǵylar da ózgeler sekildi laıyqty qyzmet alǵysy keledi. Alaıda qolynda bıligi bar sheneýnikter múgedekterdi shettetýge bolmaıtynyn eskere bermeıdi. Ásirese kámeletke tolmaǵan múmkindigi shek­teýli jasóspirimder qamqor­lyq­syz qalmaýǵa tıis.

Atyraý oblysy