AQSh prezıdenti Donald Tramp el tarıhynda alǵash ret óziniń qoltańbasyn amerıkalyq banknottarǵa engizbek. NBC News telearnasynyń málimetinshe, bul bastama AQSh Qarjy mınıstrliginiń aqparatynda aıtylǵan, dep jazady Egemen.kz.
Vedomstvonyń habarlaýynsha, memleket basshysynyń qoly eldiń 250 jyldyǵyna oraı shyǵarylatyn banknottarǵa qoıylady.
AQSh Qarjy mınıstri Skott Bessent Donald Tramptyń «Amerıkanyń altyn dáýirindegi ekonomıkalyq órleýdiń sáýletshisi retindegi úlesi daýsyz» ekenin atap ótti.
«Onyń qoltańbasyn ulttyq valıýtaǵa ornalastyrý – oryndy ári tolyqtaı laıyq sheshim», dedi ol.
Donald Tramptyń rezıdensııasyna jasyryn kirmek bolǵan adamǵa oq atyldy
Dástúr boıynsha, AQSh qaǵaz aqshalarynda Qarjy mınıstri men qazynashynyń ǵana qoltańbasy bolady.
Bul málimdeme eldegi ekonomıkalyq ahýalǵa qatysty saılaýshylardyń kóńili tolmaı otyrǵanyn kórsetetin saýalnamalar nátıjesimen tuspa-tus keldi. Atap aıtqanda, ınflıasııanyń ósýi men ómir súrý qunynyń qymbattaýy halyqtyń alańdaýshylyǵyn arttyrǵan. Sonymen qatar Irandaǵy shabýyl bastalǵaly beri munaı baǵasynyń kóterilýi de amerıkalyqtardyń bir bóligin alańdatyp otyr.
Donald Tramp: Iranǵa qarsy soǵysta AQSh-qa NATO elderiniń kómegi qajet emes
Aıta keteıik, prezıdenttiń beınesi bıyl AQSh valıýtasynda tek qoltańba arqyly ǵana kórinis tappaıdy. Tramp taǵaıyndaǵan múshelerden quralǵan federaldyq komıssııa eldiń 250 jyldyǵyna oraı 24 karattyq altynnan jasalǵan estelik monetalardyń dızaınyn maquldady. Onda da prezıdenttiń beınesi beınelengen. Alaıda bul dızaın áli Qarjy mınıstrliginiń resmı bekitýinen ótýi tıis.
Eske sala keteıik, 2020 jyly Donald Tramp COVID-19 pandemııasy kezinde amerıkalyqtarǵa berilgen qarjylyq kómek chekterine óz qoltańbasyn qoıǵan bolatyn.