Túrkistan oblysynda veterınarlyq qyzmette 928 mln teńgeni jymqyrý shemasy áshkerelendi, dep habarlaıdy Egemen.kz Túrkistan oblysynyń prokýratýrasyna silteme jasap.
Prokýratýra málimetinshe, zańbuzýshylyq «Veterınarlyq qyzmet» ShJQ MKK qyzmetin tekserý barysynda anyqtalǵan.
Tergeý derekterine sáıkes, 2022–2025 jyldar aralyǵynda mekeme basshylary men jaýapty qyzmetkerleri memlekettik satyp alý kezinde tólem qujattaryna ádeıi jalǵan málimet engizip, bıýdjet qarajatyn zańsyz aýdaryp otyrǵan.
Olar kásipkerlerge qarajat aýdarý barysynda ózderiniń elektrondy sıfrlyq qoltańbalaryn (ESQ) paıdalanǵan. Al zańsyz áreketterdi jasyrý úshin tólem tapsyrmalarynda birdeı JSN kórsetip, tek uıym ataýlaryn ózgertip otyrǵan.
Alaıda shyn máninde kórsetilgen kompanııalar qyzmet kórsetpegen jáne taýar jetkizbegen. Sonyń saldarynan memleketke iri kólemde zalal keltirilgen.
Atalǵan fakti boıynsha Qylmystyq kodekstiń 189-baby 4-bóligimen is qozǵalyp, sotqa deıingi tergeý jumystary bastaldy.
2026 jylǵy 26 naýryzda tórt adam — vetqyzmettiń eki burynǵy basshysy, orynbasary jáne bas esepshisi kúdikti retinde tanylyp, qamaýǵa alyndy.
Qazirgi ýaqytta ózge de tulǵalardyń qatysy tekserilip jatyr. Tergeý múddesine baılanysty qosymsha aqparat jarııalanbaıdy.
Aqtóbe oblysynda sheneýnik pen eki depýtat 672 mln teńge jymqyrǵan