Búgin Qazaqstan boıynsha «Jer saǵaty» halyqaralyq ekologııalyq aksııasy ótti. 2026 jyly bastamanyń negizgi taqyryby elimizde ekotýrızmdi damytýǵa arnaldy, dep jazady Egemen.kz.
Ekologııa jáne tabıǵı resýrstar mınıstrliginiń málimetinshe, jergilikti ýaqyt boıynsha saǵat 20:30-da eldegi úılerde, keńselerde jáne kóshelerde ǵımarattardyń jaryqtary bir saǵatqa sóndirildi.
Aıta keteıik, «Jer saǵaty» – Dúnıejúzilik jabaıy tabıǵat qory (WWF) bastamasymen ótetin jyl saıynǵy halyqaralyq aksııa. Shara aıasynda uıym álem turǵyndaryn jaryq pen turmystyq elektr quraldaryn bir saǵatqa óshirýge shaqyrady. Sonymen qatar álemdegi tanymal ǵımarattar men eskertkishterdiń jaryǵy da sóndiriledi.
Qazaqstan bul aksııaǵa 17-shi ret qosylyp otyr. Bıyl el boıynsha 500-den astam nysan, onyń ishinde Aqorda rezıdensııasy, «Báıterek» monýmenti, Táýelsizdik saraıy, «Áziret Sultan» meshiti, sport jáne bilim berý nysandary, óndiristik mekemeler sharaǵa qatysty.
«Jer saǵaty» – álemdegi eń aýqymdy ekologııalyq naýqan. Oǵan 180 eldiń 7000-nan astam qalasynan 2 mıllıardtan astam adam qatysady. 2026 jyly aksııa 19-shy ret uıymdastyryldy.
Búgin Jer saǵaty aksııasy ótedi
Aksııanyń negizgi maqsaty – tabıǵat pen planeta resýrstaryna jaýapkershilikpen qaraý qajettiligine nazar aýdarý.