Pavlodar oblysynda polısııa jańa týǵan sábıin satpaq bolǵan áıeldiń zańsyz áreketin áshkereledi. Aldyn ala málimetke sáıkes, 23 jastaǵy Túrkistan oblysynyń turǵyny júktiliginiń sońǵy kezeńinde áleýmettik jeliler arqyly bolashaq balasyn satyp alatyn adamdardy izdegen. Jedel-izdestirý sharalary barysynda onyń bul áreketi anyqtalǵan, dep habarlaıdy Egemen.kz.
Kúdikti bosanǵannan keıin nebári úsh kúndik náresteni aqshaǵa bermek bolǵan sátinde qolǵa tústi. Polısııanyń jedel áreketiniń arqasynda sábıge tónýi múmkin qaýipke tosqaýyl qoıyldy.
Atalǵan derek boıynsha qylmystyq is qozǵalyp, kúdikti ýaqytsha ustaý ızolıatoryna qamaldy. Qazirgi ýaqytta jańa týǵan qyz bala dárigerlerdiń baqylaýynda, onyń ómiri men densaýlyǵyna qaýip joq.
Densaýlyq saqtaý salasyndaǵy serpin: Elimizde náreste ólimi aıtarlyqtaı tómendedi
Quqyq qorǵaý organdarynyń málimetinshe, oqıǵanyń barlyq mán-jaıy jan-jaqty tekserilip jatyr. Is boıynsha túpkilikti quqyqtyq baǵa zań talaptaryna sáıkes beriledi.
Elimizde «Ańsaǵan sábı» baǵdarlamasynyń arqasynda 11 myńnan astam bala dúnıege keldi
Polısııa adam saýdasynyń kez kelgen túri, ásirese balalarǵa qatysty qylmystar qatań túrde toqtatylatynyn atap ótti.