Shyǵys Qazaqstan oblysy prokýratýrasy burynǵy oblys ákiminiń orynbasary Jaqsylyq Omarǵa qatysty shyqqan sot úkimine pikir bildirdi, dep habarlaıdy Egemen.kz.
Buǵan deıin О́skemen qalasynyń qylmystyq ister jónindegi aýdanaralyq soty Jaqsylyq Omarǵa qatysty qylmystyq isti qaraǵan bolatyn. Ol iri kólemdegi alaıaqtyq jáne iri mólsherde para alý boıynsha aıyptalǵan.
3 sáýirde sot úkimi jarııalanyp, Jaqsylyq Omar kináli dep tanyldy. Oǵan 6 jyl bas bostandyǵynan aıyrý jazasy taǵaıyndalyp, múlki (Toyota Camry avtokóligi) tárkilendi. Sondaı-aq oǵan ómir boıyna memlekettik qyzmette laýazym atqarýǵa tyıym salyndy. Jazany ol ortasha qaýipsizdik mekemesinde óteıdi.
Prokýratýranyń málimetinshe, bul is sybaılas jemqorlyq sıpatyndaǵy qylmystarǵa jatady jáne memlekettik qyzmettiń bedeli men qoǵamnyń senimine nuqsan keltiredi. Aıyptaýshy tarap sottan zańda kózdelgen eń qatań jazany suraǵan.
Ulttyq qaýipsizdik komıteti Jaqsylyq Omarǵa qatysty tergeýdi rastady
Sonymen qatar, prokýratýra qoldanystaǵy zańnamaǵa sáıkes, sybaılas jemqorlyq qylmystary úshin sottalǵandarǵa raqymshylyq pen merziminen buryn shartty túrde bosatý normalary qoldanylmaıtynyn atap ótti.
Aıta keteıik, sot úkimi ázirge zańdy kúshine engen joq.