Byltyr elimizde apatty jaǵdaıdaǵy turǵyn úı sany 2,6 myńǵa jetip, 7%-ǵa ulǵaıǵan. Sonyń saldarynan ótken jyly 50 myńnan astam adam apatty úılerde turǵan.
«Ranking.kz» jazýynsha, bul másele el azamattarynyń qaýipsizdigine baılanysty bolǵandyqtan, búginde óte ózekti. Byltyr apatty úıler sany jóninen Atyraý oblysy kósh basynda bolǵan. Onda 705 apatty úı esepte tur. Al Aqmola oblysynda tozyǵy jetken 270 úı, Batys Qazaqstanda 262 úı bar. Eskere ketetin bir jaıt, turǵyn úı qorynyń shynaıy jaǵdaıy statıstıkalyq derekterden alshaqtaý bolýy múmkin. Iаǵnı bul tujyrym naqty resmı derekterge qaraı jasalyp otyr. Oń nátıje de joq emes. Byltyr Almaty oblysynda apatty úı sany 30-ǵa, Qaraǵandy oblysynda 12-ge, Astana qalasynda 10-ǵa, Soltústik Qazaqstanda 7-ge azaıǵan.
«Ranking.kz» sarapshylary bul úrdisten eki túrli jaǵdaıdy ańǵarǵanyn aıtady.
«Mundaı nysandardyń artýy turǵyn úı qorynyń jaǵdaıy nasharlaǵanyn kórsetedi. Ekinshi jaǵynan, ýákiletti organdardyń tekseristi kúsheıtýine de baılanysty. Is júzinde qaýipti, biraq resmı mártebesi joq úıler kóp. Resmı apatty mártebeni alý máseleniń sheshý múmkindigin arttyrady», deıdi sarapshylar.