Shegirtkege qarsy kúres qarqyn aldy

Mamandardyń bol­­­jamyna sáı­­­­kes shegirtke der­ná­sil­deri sáýir aıynyń alǵashqy jartysynda jer betine shyǵady. Osy kezeńde hımııalyq óńdeý ju­mysyn ýaqtyly ári sapaly júrgizý asa mańyzdy. Iаǵnı «yrshyp júrip án salǵan shyryl­daýyq shegirtkeniń» egistik alqap­­taryna zııan keltirýine tos­qaýyl qoıylady. Oblys­ bıýd­jetinen tıisti qarjy bólinip, zalalsyz­dandyrý sharalary júıeli túrde júrgiziledi. Oblys­tyq aýyl sharýashylyǵy basqar­ma­synyń basshysy Faızýlla Baıdýllaevtyń aıtýynsha, ótken jyly bul maqsatqa 535 mln teń­ge bólinip, 150 myń ga al­qap­ta hı­mııalyq óńdeý jumysy at­qarylǵan. Bıyl 133 mln teńge qa­rastyry­lyp, 36 myń ga aýmaqty óńdeý josparlanyp otyr. Jumys Arys qalasy men Keles, Sary­aǵash, Shardara aýdandarynda júrgiziledi. Qazir memlekettik satyp alý rásim­deri bastalǵan.

Oblystyq aýmaqtyq ınspek­sııa basshysynyń mindetin atqa­rýshy Marat Orynbaevtyń má­limetinshe, ótken jyly óńir­de shegirtke zııankesterine qar­sy 715,3 myń ga alqapta hı­mııa­lyq óńdeý jumysy júr­gizilgen. Bıyl 11 aýdanda 421,5 myń ga alqapta hımııalyq óńdeý josparlanǵan. Búginde qar­jylandyrý kólemine sáıkes 374,1 myń gektardy qamtý kózdelip otyr. Shegirtkege qarsy kúres sharalaryna 2 030 adamdy jumyldyrý josparlanǵan.

Sondaı-aq agrotehnıka­lyq sharalar aıasynda 2,2 myń ga aýmaqta jer jyrtý jumysy júrgizilip, onyń jartysy ıgeril­gen. Bul ádis zııankesterdiń kó­beıýin 35-50%-ǵa tómendetýge múm­kindik bergen. Aldaǵy kezeńde Keles aýdanynda jalpy kólemi 143 350 ga jerdi zııankesterden qorǵaý maqsatynda hımııalyq óńdeý jumysy júrgiziledi. Saryaǵash aýda­nynda hımııalyq óńdeýdi 10 aýyldyq okrýgte júrgizý josparlanǵan. 88 600 gektardy qamtý kózdelip otyr. Jalpy, aýdanda óńdeletin aımaq 18 sektorǵa bólingen.

Sonymen  qatar Syrdarııa ózeni boıyndaǵy shirkeı derná­silderiniń damýy turaqty baqy­laýǵa alynǵan. Bul jumyspen «О́simdikterdi qorǵaý-K» JShS mekemesiniń ǵylymı súıemeldeý toby aınalysyp jatyr. Bıyl entomologııalyq monıtorıng maqsatynda ózen boıyn­da birneshe kezeńdik baqy­laý júrgizildi. Syrdarııa óze­ni­niń Túrkistan oblysy aýmaǵynan ótetin bóliginiń uzyndyǵy 350 shaqyrymnan asady. О́zen boıyn­da zertteý, óńdeý júrgiziletin arnaıy ýchaskeler belgilengen. Otyrar aýdany aýmaǵynda da shirkeıge qarsy dezınseksııalaý jumysy bastaldy. Jalpy, dezınseksııalaý sharalary Syrdarııa ózeni boıy men eldi mekender aýmaǵyn qamtıdy.

Túrkistan oblysy