Premer-mınıstrdiń birinshi orynbasary Roman Sklıar elimizge issaparmen kelgen Shanhaı qalasy Halyq úkimetiniń tóraǵasy Gýn Chjenmen kezdesý ótkizdi. Taraptar saýda-ekonomıkalyq jáne ınvestısııalyq yntymaqtastyqtyń qazirgi jaǵdaıy men ony tereńdetý keleshegin talqylady, sondaı-aq iri megapolıster deńgeıindegi ózara is-qımylǵa erekshe nazar aýdardy.
Kelissóz barysynda eki memleket kóshbasshylarynyń dıplomatııasynyń arqasynda qazaq-qytaı qatynastary buryn-sońdy bolmaǵan joǵary deńgeıde ekendigi atap ótildi. Roman Sklıar Shanhaıdyń ınnovasııalar, qarjy jáne «jasyl» energetıka salasyndaǵy álemdik kóshbasshylardyń biri retindegi joǵary áleýetine toqtalyp, eki eldiń qarjy men iskerlik ortalyqtary arasyndaǵy praktıkalyq áriptestikti keńeıtýdiń mańyzdy ekenin aıtty.
О́z kezeginde Gýn Chjen Shanhaı kompanııalarynyń elimizde birlesken jobalardy, sonyń ishinde mashına jasaý, logıstıka, joǵary tehnologııalar, sıfrlandyrý salalarynda júzege asyrýǵa qyzyǵýshylyǵyn rastady.
Premer-mınıstrdiń birin-shi orynbasary Almaty men Shanhaı arasyndaǵy byltyr qurylǵan baýyrlas qalalar qarym-qatynastarynyń áleýetin joǵary baǵalap, bul format saýda, ınvestısııa, mádenıet, bilim berý salalaryndaǵy tájirıbe almasýda praktıkalyq yntymaqtastyqty orna-týǵa yqpal etetinin atap ótti.
Kezdesý sońynda taraptar strategııalyq áriptestikti odan ári nyǵaıtýǵa, sondaı-aq el ekonomıkasyn ártaraptandyrýǵa, Qytaı bıznesiniń Ortalyq Azııa naryqtaryna shyǵýyna yqpal etetin birlesken bastamalardy iske asyrýǵa ózara daıyndyǵyn rastady.