«Qazaqstan temir joly» UK» AQ memlekettik merekeler, demalys jáne mektep demalystary kezeńderinde poıyzdarda júkteme artatynyn málimdedi. Osyǵan oraı kompanııa jolaýshylar nazaryna tasymaldaý erejelerin usyndy, dep jazady Egemen.kz.
1. Bıletsiz jol júrýJolaýshylarǵa bıletsiz poıyzǵa minýge tyıym salynady. Jolserik kez kelgen ýaqytta bıletti talap etýge quqyly. Bılet bolmaǵan jaǵdaıda jolaýshy jaqyn mańdaǵy stansııada poıyzdan túsiriledi. 2. Balalardy rastaıtyn qujattarsyz tasymaldaýBalany jeke basyn kýálandyratyn nemese ata-anasynyń rastaıtyn qujattarynsyz tasymaldaýǵa ruqsat etilmeıdi. Qajetti qujattar bolmaǵan jaǵdaıda jolaýshylar poıyzǵa minbeıdi.3. Resimdelmegen bagajdy aldyn ala tólemsiz alyp júrýBelgilengen normalardan asatyn bagajdy (bir jolaýshyǵa 35 kg-nan astam) aldyn ala tólemsiz jáne resimdelgen qujatsyz tasymaldaýǵa tyıym salynady. 4. Janýarlardy tıisti qujattarsyz tasymaldaýJanýarlardy veterınarlyq qujattarsyz tasymaldaýǵa qatań tyıym salynady. Qajetti qujattar bolmaǵan jaǵdaıda jolaýshy poıyzǵa otyrǵyzylmaıdy. 5. Poıyzda temeki shegýge tyıym salynadyPoıyzdarda temeki shegýge qatań tyıym salynady, onyń ishinde kádimgi temeki men elektrondy temeki shegýge arnalǵan qurylǵylar bar. 6. Stop-krandy qajeti bolmasa paıdalanýǵa tyıym salynadyStop-kranyn negizsiz paıdalanýǵa qatań tyıym salynady. Bul poıyzdyń júrý kestesin buzýy, basqa jolaýshylarǵa qolaısyzdyq týdyrýy jáne ákimshilik jaýapkershilikke ákelýi múmkin. 7. Tyıym salynǵan zattardy tasymaldaýEsirtki, jarylǵysh nemese ótkir zattardy tasymaldaýǵa qatań tyıym salynady. Mundaı buzýshylyqtar anyqtalǵan jaǵdaıda jolaýshylar quqyq qorǵaý organdaryna tapsyrylady.8. Agressııa kórinisi nemese janjal jaǵdaılaryn týdyrýFızıkalyq nemese psıhologııalyq zorlyq-zombylyqtyń kez-kelgen túrine, sonyń ishinde aýyzsha qorlaýǵa qatań tyıym salynady. Bul erejeni buzý jolaýshyny jaqyn mańdaǵy stansııada poıyzdan shyǵarýǵa ákelýi múmkin.9. Toqtamaǵan poıyzdan túsip qalýMundaı áreketter ómir men densaýlyqqa óte qaýipti jáne erejelerdi buzý retinde esepteledi. Poıyzdan tek stansııalarda jáne oǵan arnalǵan esikter arqyly túsý qajet.10. Vagondy shashyp tastap ketý nemese múliktiń buzylýyVandalızmge, vagondardyń lastanýyna jáne «Jolaýshylar tasymaly» AQ (QTJ enshiles uıymy) múlkiniń búldirýge qatań tyıym salynady. Mundaı áreket jasaǵan jolaýshy marshrýttan túsirilýi múmkin. QTJ bul talaptar Jolaýshylardy, bagajdy jáne júk-bagajdy temirjol kóligimen tasymaldaý erejelerine sáıkes belgilengenin atap ótken. Mereke kúnderi, ázirge barlyq baǵyt boıynsha poıyz kestelerine ózgeris engizilmegen.
Almaty – Aqtóbe baǵytyndaǵy poıyzda jolaýshy qaıtys boldy