Qazaqstanda eń tómengi jalaqyny arttyrý máselesi qarastyrylyp jatyr. Bul týraly Premer-mınıstrdiń orynbasary – Ulttyq ekonomıka mınıstri Serik Jumanǵarın Úkimette ótken brıfıng barysynda málimdedi, dep habarlaıdy Egemen.kz.
Mınıstrdiń aıtýynsha, sheshim bıýdjet múmkindigi men negizgi ekonomıkalyq kórsetkishterge baılanysty qabyldanady.
«Eń tómengi jalaqy eki negizgi kórsetkishke baılanysty esepteledi. Onyń biri – eńbek ónimdiligi, ekinshisi – medıanalyq jalaqy. Sonymen qatar belgisizdik koeffısıenti engizilgen, ol eń tómengi jalaqy deńgeıin retteýge múmkindik beredi», dedi vıse-premer.
Qazaqstanda eń tómengi jalaqyny kimder alady?
Sondaı-aq ol bul máseledegi túpkilikti sheshim memlekettik bıýdjettiń múmkindigine qaraı qabyldanatynyn atap ótti.
«Eń tómengi jalaqyny qandaı deńgeıge deıin kóteremiz – bári bıýdjet múmkindigine baılanysty bolady», dedi Serik Jumanǵarın.
Aıta keteıik, buǵan deıin Úkimette eń tómengi jalaqyny 150 myń teńgege kóterý qajettiligi aıtylǵan bolatyn.
Nurbolat AMANBEK